ماورا حسین کی سالگرہ پر محبت کے رنگ، عامر گیلانی کا رومانوی پیغام وائرل
رنگ برنگے غباروں، خوبصورت پھولوں اور مارول تھیم والے کیک کے ساتھ اداکارہ نے سالگرہ کی تصاویر سوشل میڈیا پر شیئر کردیں
اسلام آباد : اداکارہ ماورا حسین نے اپنی 34ویں سالگرہ کی خوشیاں شوہر اور اداکار عامر گیلانی کے ساتھ منائیں، جس کی خوبصورت جھلکیاں سوشل میڈیا پر شیئر کرتے ہی مداحوں اور شوبز شخصیات کی توجہ کا مرکز بن گئیں۔
ماورا حسین نے اپنی سالگرہ کی تقریبات کی تصاویر اور ویڈیو انسٹاگرام پر شیئر کیں، جن میں انہیں رنگ برنگے غباروں، خوبصورت پھولوں کے گلدستے اور دلکش مارول تھیم والے سالگرہ کے کیک کے ساتھ دیکھا جاسکتا ہے۔
اداکارہ نے اپنی سالگرہ کی شام شوہر عامر گیلانی کے ساتھ گھر پر خصوصی انداز میں منائی۔ تصاویر کے ساتھ مائرہ نے تحریر کیا، "Colours and promises…. b’day eve with my love”، جس نے مداحوں کی خاص توجہ حاصل کی۔
ماورا نے اپنی سالگرہ کے موقع پر ہلکے گلابی رنگ کا خوبصورت اور سادہ لباس زیب تن کیا، جبکہ ان کے انداز میں سادگی اور خوبصورتی نمایاں رہی۔ تصاویر میں اداکارہ کبھی کیک کے ساتھ پوز دیتی دکھائی دیں تو کہیں پھولوں اور غباروں سے سجے خوبصورت ماحول سے لطف اندوز ہوتی نظر آئیں۔
سوشل میڈیا پر تصاویر اور ویڈیو سامنے آتے ہی مداحوں نے مائرہ کو سالگرہ کی مبارکباد دینا شروع کردی، جبکہ شوبز انڈسٹری سے تعلق رکھنے والی متعدد معروف شخصیات نے بھی کمنٹس کے ذریعے اپنی نیک خواہشات کا اظہار کیا۔
اداکارہ کے شوہر عامر گیلانی کا محبت بھرا پیغام سب سے زیادہ توجہ کا مرکز بنا۔ انہوں نے کمنٹ کرتے ہوئے لکھا، "I’ll love you for a thousand more… happy birthday, my love.”
مایا علی، ایمن خان، ماہرہ خان سمیت دیگر شوبز شخصیات نے بھی مائرہ ہوکین کو سالگرہ کی مبارکباد دی اور ان کے لیے نیک تمناؤں کا اظہار کیا۔
مائرہ ہوکین اور عامر گیلانی نے ماضی میں ایک ساتھ متعدد ڈراموں میں کام کیا، جہاں دونوں کی اسکرین پر جوڑی کو بھی ناظرین کی جانب سے پسند کیا گیا۔ دونوں نے ڈرامہ ”صبا ت” (Sabaat) اور ”نم” (Neem) میں ایک ساتھ اداکاری کے جوہر دکھائے۔
دونوں کی اسکرین پر نظر آنے والی کیمسٹری کے باعث طویل عرصے تک ان کے درمیان قریبی تعلقات کی خبریں اور قیاس آرائیاں بھی شوبز حلقوں میں گردش کرتی رہیں۔
بعد ازاں مائرہ ہوکین اور عامر گیلانی نے فروری 2025 میں شادی کرلی، جس کے بعد دونوں کی شادی اور باہمی محبت سے جڑی تصاویر اور پیغامات بھی مداحوں کی خصوصی دلچسپی کا باعث بنتے رہے ہیں۔
مائرہ کی 34ویں سالگرہ کی تازہ جھلکیوں نے ایک بار پھر مداحوں کو ان کی نجی زندگی کے خوبصورت لمحات کی ایک جھلک دکھائی، جبکہ عامر گیلانی کے محبت بھرے پیغام نے سالگرہ کی خوشیوں کو مزید خاص بنا دیا۔
