کوئٹہ (نیوز پلس) بلوچستان میں غیر قانونی لیبارٹریز کے خلاف بڑی کارروائی کا فیصلہ کر لیا گیا ہے۔تفصیلات کے مطابق اس حوالے سے بلوچستان کلینیکل لیبارٹری اتھارٹی کے سیکریٹری ڈاکٹر محمد انور نے کہا کہ کوئٹہ میں 50 سے زائد لیبارٹریز غیرقانونی طور پر کام کررہی ہیں اور ان غیرقانونی لیبارٹریز کیخلاف سخت کارروائی کی جائے گی اور لیبارٹریز کی فہرست مرتب کی جارہی ہے جبکہ غیر قانونی لیبارٹریز کے خلاف کارروائی کا آغاز کوئٹہ سے کیا جائے گا۔ڈاکٹر انور نے مزید بتایا کہ لیبارٹریز کوالیفائیڈ پیتھالوجسٹس کے بغیر چلائے جانے کی اطلاعات موصول ہوئی ہیں جس کے بعد ان غیر قانونی لیبارٹریز کے خلاف ایکشن کا فیصلہ کیا گیا ہے۔