کراچی(نیوز پلس)چیئرمین ایف بی آر سید شبرزیدی نے کہا ہے کہ بجلی اور گیس کے صنعتی اور کمرشل صارفین کا ٹیکس نیٹ میں رجسٹرڈ ہونا لازمی ہے۔
سماجی رابطے کی ویب سائٹ ٹوئٹر پر جاری بیان میں سید شبر زیدی نے کہا کہ بجلی اور گیس کے صنعتی اور کمرشل صارفین کا ٹیکس نیٹ میں رجسٹرڈ ہونا لازمی ہے،جن صنعتی اور کمرشل صارفین نے اب تک ٹیکس ریٹرن جمع نہیں کرائے وہ توسیع سے فائدہ اٹھائیں۔اس سلسلے میں ایف بی آر فیلڈ فارمیشنز کو ہدایت جاری کر دی ہیں۔