نائب وزیراعظم اسحاق ڈار اور مالدیپ کی وزیرخارجہ ڈاکٹر اروتھیشم ایڈم کے درمیان ٹیلی فونک رابطہ
دونوں وزرائے خارجہ نے علاقائی اور بین الاقوامی پیش رفت پر بھی تبادلہ خیال
نائب وزیر اعظم/وزیر خارجہ سینیٹر محمد اسحاق ڈار نے جمہوریہ مالدیپ کے وزیر خارجہ محترمہ ڈاکٹر اروتھیشم ایڈم سے ٹیلیفونک گفتگو کی۔
وزارت خارجہ کے مطابق اسحاق ڈار نے ڈاکٹر ایڈم کو مالدیپ کی آزادی کی آئندہ 61ویں سالگرہ پر مبارکباد دی۔
دونوں وزرائے خارجہ نے علاقائی اور بین الاقوامی پیش رفت پر بھی تبادلہ خیال کیا۔ وزیر خارجہ ایڈم نے ایران امریکہ تنازع میں ثالثی میں پاکستان کے کردار کو سراہا۔
پاکستان اور مالدیپ کے درمیان دوستی اور تعاون کے دیرینہ بندھنوں کو مزید مضبوط بنانے کے لیے مشترکہ عزم کا اعادہ کرتے ہوئے دونوں رہنماؤں نے قریبی رابطے میں رہنے پر اتفاق کیا۔
