ایبی گیٹ حملےکے ماسٹر مائنڈ کو پاکستان نے گرفتار کر کے امریکا کے حوالے کیا۔ امریکی رپورٹ
ایبی گیٹ حملےکے ماسٹر مائنڈ کو پاکستان نے گرفتار کر کے امریکا کے حوالے کیا
افغانستان میں ہونے والے ایبی گیٹ حملے سے متعلق امریکا کی انسدادِ دہشت گردی 2026 کی رپورٹ میں اہم انکشافات سامنے آئے ہیں۔ رپورٹ کے مطابق حملے کے مبینہ ماسٹر مائنڈ کو واقعے کے صرف 43 دنوں کے اندر گرفتار کر لیا گیا تھا۔ امریکی حکام کے مطابق اس کارروائی میں پاکستان نے کلیدی کردار ادا کیا اور ملزم کو گرفتار کرکے امریکا کے حوالے کیا گیا۔
رپورٹ میں بتایا گیا ہے کہ اس پیش رفت پر سابق امریکی صدر Donald Trump نے پاکستان کا باقاعدہ شکریہ بھی ادا کیا تھا۔ امریکی حکام نے اسے دہشت گردی کے خلاف عالمی تعاون کی ایک اہم مثال قرار دیا۔
امریکی رپورٹ کے مطابق امریکا نے القاعدہ، داعش خراسان اور دیگر شدت پسند تنظیموں کے خلاف اپنی کارروائیاں مزید تیز کرنے کا فیصلہ کیا ہے۔ رپورٹ میں کہا گیا ہے کہ یہ گروہ نہ صرف خطے بلکہ عالمی سلامتی کے لیے بھی سنگین خطرہ بنے ہوئے ہیں۔
مزید کہا گیا ہے کہ امریکا دہشت گردی کے خاتمے کے لیے اپنے شراکت دار ممالک کے ساتھ تعاون میں اضافہ کرے گا، تاکہ ان تنظیموں کے نیٹ ورک، مالی وسائل اور سرگرمیوں کو مؤثر انداز میں ختم کیا جا سکے۔ رپورٹ میں خاص طور پر داعش خراسان اور القاعدہ کو مستقبل کے لیے بڑا خطرہ قرار دیتے ہوئے ان کے خلاف مشترکہ حکمت عملی اپنانے پر زور دیا گیا ہے۔
