بابراعظم نے پی ایس ایل کے ایک سیزن میں سب سے زیادہ رنز بنانےکا ریکارڈ برابر کر دیا

بابراعظم نے پی ایس ایل کے ایک سیزن میں سب سے زیادہ رنز بنانےکا ریکارڈ برابر کر دیا

کراچی: بابر اعظم نے پاکستان سپر لیگ کے ایک سیزن میں سب سے زیادہ رنز بنانے کا ریکارڈ برابر کر دیا ہے۔

منگل کو کھیلے گئے کوالیفائر میں پشاور زلمی کے کپتان بابر اعظم نے اسلام آباد یونائیٹڈ کے خلاف 59 گیندوں پر شاندار 103 رنز کی اننگز کھیلی۔

پی ایس ایل 2026 کے دوران بابر اعظم اب تک 10 اننگز میں مجموعی طور پر 588 رنز بنا چکے ہیں۔

اس کارکردگی کے ساتھ انہوں نے فخر زمان کا ایک سیزن میں سب سے زیادہ رنز بنانے کا ریکارڈ برابر کر لیا ہے۔ فخر زمان نے یہ کارنامہ 2022 میں 13 اننگز میں 588 رنز بنا کر انجام دیا تھا۔

واضح رہے کہ بابر اعظم کے پاس اس ریکارڈ کو توڑنے کے لیے کم از کم ایک اور زیادہ سے زیادہ دو میچز ابھی باقی ہیں۔

بابراعظم نے پی ایس ایل میں ایک اور اعزاز اپنے نام کر لیا

بابر اعظم نے پاکستان سپر لیگ (PSL) 2026 میں ایک اور اہم سنگِ میل عبور کر لیا ہے۔ انہوں نے کوالیفائر میچ میں اسلام آباد یونائیٹڈ کے خلاف شاندار بیٹنگ کرتے ہوئے 500 رنز مکمل کر لیے۔
اس کارکردگی کے ساتھ بابر اعظم پی ایس ایل کی تاریخ میں وہ واحد کھلاڑی بن گئے ہیں جنہوں نے کسی ایک ایڈیشن میں سب سے زیادہ بار 500 رنز کا ہدف حاصل کیا ہے۔
یہ چوتھا موقع ہے کہ Babar Azam نے ایک پی ایس ایل سیزن میں 500 رنز مکمل کیے ہیں۔ اس سے قبل وہ 2024، 2023 اور 2021 کے سیزنز میں بھی یہ کارنامہ انجام دے چکے ہیں۔
دیگر کھلاڑیوں میں Mohammad Rizwan تین بار جبکہ Fakhar Zaman اور کوشال مینڈس ایک ایک بار یہ سنگ میل عبور کر چکے ہیں۔
اسلام آباد یونائیٹڈ کے خلاف یہ کارکردگی ایک بار پھر بابر اعظم کی مستقل مزاجی اور اعلیٰ فارم کا واضح ثبوت ہے۔