راولپنڈی(نیوز پلس)آرمی چیف جنرل قمر جاوید باجوہ سے امریکی سینیٹر لنزے گراہم نے ملاقات کی ہے۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل باجوہ اور امریکی سینیٹر گراہم کی ملاقات میں خطے کی سیکیورٹی پر تبادلہ خیال کیا گیا۔ڈی جی آئی ایس پی آر کے مطابق ملاقات میں امریکا افغان مفاہمتی عمل پر تبادلہ خیال کیا گیا۔ترجمان آئی ایس پی آر نے مزید کہا ہے کہ امریکی سینیٹر لنزے گراہم نے علاقائی امن و استحکام کی پاکستان کی کوششوں کو سراہا۔ واضح رہے سینیٹرلنڈسے گراہم امریکی سینیٹ جوڈیشری کمیٹی کے چیئرمین اور آرمڈ سروسز بجٹ کمیٹی کے سینئر رکن ہیں۔دوہزار انیس کے دوران امریکی سینیٹرلنڈسے گراہم کاپاکستان کا یہ دوسرا دورہ ہے۔