خیبرپختونخوا ،آزاد کشمیر اور گلگت بلتستان میں کلاؤڈ برسٹ ، سیلابی ریلے سے تباہی ، 256سے زائد افراد جاں بحق
بارشوں اور سیلابی ریلوں سے سب سے زیادہ ضلع بونیر متاثر ہوا جہاں اموات کی تعداد 157 تک جا پہنچی ہے
خیبر پختوخواہ کے مختلف اضلاع ، آزاد کشمیر اور گللگت بلتستان میں طوفانی بارشوں ، کلاؤڈ برسٹ اور سیلابی ریلوں سے بڑے پیمانے پر تباہی ہوئی ہے ۔ جس کے نتیجے میں اب تک 256 افراد اپنی قیمتی جانوں سے ہاتھ دھو بیٹھے ہیں جبکہ معتدد افراد زخمی ہیں ۔
ریسکیو حکام کے مطابق خیبر پختونخوا کے ضلع باجوڑ کی تحصیل سالارزئی کے علاقے جبراڑئی میں گزشتہ رات آنے والے سیلابی ریلے سے متعدد گھر تباہ ہو گئے، رابطہ سڑکیں اور پل پانی میں بہہ گئے۔
حکام کے مطابق مختلف حادثات میں اب تک 21 افراد کی لاشیں نکالی جا چکی ہیں جبکہ مقامی افراد کا کہنا ہے کہ 7 افراد لاپتہ ہیں جن کی تلاش جاری ہے۔ تین زخمیوں کو فوری طبی امداد فراہم کرنے کے بعد اسپتال منتقل کر دیا گیا ہے۔
مانسہرہ میں بھی کلاؤڈ برسٹ اور سیلابی ریلا
دوسری جانب ضلع مانسہرا کے عالقے بٹگرام میں رات گئے کلاؤڈ برسٹ سے متعدد افراد ریلے میں بہہ گئے
طوفانی بارشوں اور آبی ریلوں سے 175 افراد جاں بحق ہوئے، ڈی سی بونیر
دوسری جانب میڈیکل آفیسر پیر بابا اسپتال بونیر ڈاکٹر امتیاز کا کہنا ہےکہ پیر بابا اور گردونواح میں اب تک 43 لاشیں لائی جا چکی ہیں، لائی گئی لاشوں میں 25 خواتین اور 18 بچے شامل ہیں۔
ادھر ڈپٹی کمشنر بونیر نے تصدیق کرتے ہوئے کہا کہ طوفانی بارشوں اور آبی ریلوں سے 75 افراد جاں بحق ہوئے جبکہ 56 افراد کی لاشیں اسپتال پہنچائی جا چکی ہیں۔
ریسکیو حکام کا بتانا ہے کہ بونیر میں سیلاب میں بہہ کر متعدد افراد لاپتا ہیں جن کی تلاش کا کام جاری ہے، میں 12 کے قریب دیہات کلاؤڈ برسٹ سے شدید متاثر ہوئے ہیں، سیلاب کے باعث زمینی رابطے منقطع ہو گئے ہیں جس کی وجہ سے ریسکیو ٹیمیں متاثرہ علاقوں تک نہیں پہنچ پا رہیں۔
پرووینشل ڈیزاسٹر مینجمنٹ اتھارٹی (پی ڈی ایم اے) کی جانب سے جاری کیے گئے اعداد و شمار کے مطابق شمالی علاقہ جات میں خراب موسم کے سبب پیش آنے والے مختلف حادثات میں اب تک 69 افراد جاں بحق، کئی زخمی اور متعدد افراد لاپتہ ہیں جن کی تلاش جاری ہے۔
خیبرپختونخوا
شمالی علاقہ جات میں کلاؤڈ برسٹ، بارشوں اور سیلابی ریلوں سے ہونے والے نقصانات کی تفصیلات سے متعلق پی ڈی ایم اے کا کہنا ہے کہ صوبے کے 5 اضلاع میں کلاؤڈ برسٹ اور بارشوں کے باعث 41 افراد جاں بحق ہوئے۔
باجوڑ میں 21، سوات 4، لوئر دیر 5، بٹگرام میں 15 ، شانگلہ میں 1 شخص جاں بحق جبکہ باجوڑ میں 21 اور لوئر دیر میں 5 افراد زخمی ہوئے ہیں ۔
ریسکیو حکام کے مطابق مختلف حادثات میں اب تک 21 افراد کی لاشیں نکال لی گئی ہیں جبکہ مقامی افراد کا کہنا ہے کہ 18 افراد لاپتہ ہیں جن کی تلاش جاری ہے۔
دوسری جانب ضلع مانسہرہ کے علاقے بٹگرام میں رات گئے کلاؤڈ برسٹ سے متعدد افراد ریلے میں بہہ گئے۔
پولیس کے مطابق علاقے میں کئی مکانات تباہ اور بڑی تعداد میں مال مویشی بھی سیلابی ریلے میں بہہ گئے ہیں جن کی تلاش کا کام جاری ہے۔
آزاد کشمیر
آزاد کشمیر کے مختلف علاقوں میں بھی طوفانی بارشوں نے تباہی مچادی۔
مختلف واقعات میں 8 افراد جاں بحق اور 2 افراد زخمی ہوئے جن میں مظفرآباد کے ایک ہی خاندان کے 6 افراد بھی شامل ہیں۔
کلاؤڈ برسٹ سے رتی گلی کی سڑک مختلف مقامات سے بہہ گئی اور رتی گلی بیس کیمپ میں متعدد سیاح پھنسے ہوئے ہیں۔
نیلم اور لوات نالے پر تین، تین رابطہ پل بہہ گئے، آزاد کشمیر کو راولپنڈی سے ملانے والی شاہراہ کوہالہ لینڈ سلائیڈنگ کے باعث بند ہے، مختلف مقامات پر 30 سے زائد مکانات، دکانیں اور دیگر املاک تباہ ہوئیں۔
خراب موسم کے باعث سیاحوں کو واپس جانے سے روک دیا گیا ہے۔
وزیر اطلاعات آزاد کشمیر مظہر سعید کے مطابق سیاحتی مقام رتی گلی میں 5 سو سے زائد سیاح پھنسے ہوئے ہیں، تمام سیاح محفوظ ہیں۔
اٹھ مقام میں لینڈ سلائیڈنگ کے باعث متعدد رابطہ سڑکیں بند ہیں جبکہ شاہراہ نیلم پر ٹریفک کی آمد و رفت متاثر ہے۔
بالائی علاقوں میں بجلی اور فون کا نظام بھی متاثر ہے ۔
بارش اور لینڈ سلائیڈنگ کے پیش نظر متاثرہ اضلاع میں آج اور کل تمام سرکاری اور نجی اسکول بند رہیں گے۔
گلگت بلتستان میں لینڈ سلائیڈنگ
گلگت بلتستان میں مختلف حادثات میں 10 افراد جاں بحق ہو گئے۔
غذر میں سیلاب سے 8 اور ضلع دیامر میں 2 بہن بھائی جاں بحق ہوئے۔
مرکزی بجلی گھر نلتر اسٹیشن سیلاب کے باعث تباہ ہو گیا، پاور اسٹیشن بند ہونے سے شہر تاریکی میں ڈوب گیا۔
گلگت بلتستان کی حکومت کے ترجمان کا کہنا ہے کہ سیلاب سے متاثرہ سڑکوں کی بحالی کا کام جاری ہے، سیلاب متاثرہ علاقوں میں امدادی کارروائیاں جاری ہیں۔
ہنزہ میں شیشپت گلیشئیر بگھلنے سے حسن آباد نالے کے دونوں اطراف سے کٹاؤ کا سلسلہ جاری ہے۔
ادھر انتظامیہ نے مکانوں کو خالی کرنے کا نوٹس دے دیا ہے۔
