اسلام آ باد (نیوز پلس)فیڈرل بورڈ آف ریونیو کے چیئرمین سید شبر زیدی نے آئندہ ماہ سے ’آٹومیٹڈ پوائنٹ آف سیل سسٹم‘ لانچ کرنے کا اعلان کرتے ہوئے کہا ہے کہ ایف بی آر ملک کے تمام بڑے رٹیلرز کی سیل کا ریکارڈ رکھنے کے لیے خودکار نظام متعارف کرائے گا۔
شبر زیدی نے کہا کہ ایف بی آر کا خود کار پوائنٹ آف سیل سسٹم تمام بڑے رٹیل مقامات پر لگے گا۔انہوں نے تمام بڑے رٹیلرز کو مشورہ دیا ہے کہ وہ اپنے آپ کو ایف بی آر کے اس خود کار سسٹم سے منسلک کریں۔سید شبر زیدی نے مزید کہا کہ نیا نظام رٹیلرز کے لیے فائدہ مند ہوگا، ان بڑے رٹیلرز کا ایف بی آر سے ذاتی رابطہ کم سے کم ہوجائے گا۔