فیلڈ مارشل نے اس بار صرف اپنے ملک کیلئے نہیں بلکہ دنیاکیلئےکردکھایا، محسن نقوی

فیلڈ مارشل نے اس بار صرف اپنے  ملک  کیلئے نہیں بلکہ دنیاکیلئےکردکھایا، محسن  نقوی

وفاقی وزیر داخلہ محسن نقوی نے ایران امریکا معاہدے پر رد عمل دیتے ہوئےکہاکہ فیلڈ مارشل سید عاصم منیر نے ایک بارپھرکردکھایا۔

 وزیرداخلہ محسن نقوی نے سوشل میڈیا پر جاری پیغام میں فیلڈ مارشل عاصم منیر کی تصویر شیئر کرتے ہوئے لکھا کہ فیلڈ مارشل سید عاصم منیر  نے ایک بارپھرکردکھایا، اس بار صرف اپنے ملک کیلئے نہیں بلکہ دنیا کے لیےکردکھایا۔

 محسن نقوی نے سماجی رابطے کی ویب سائٹ پر اپنے پیغام کے ساتھ فیلڈ مارشل عاصم منیر کی تصویر بھی شیئر کی۔ اپنے بیان میں انہوں نے کہا کہ فیلڈ مارشل نے ایک بار پھر ثابت کر دیا ہے کہ وہ نہ صرف قومی سلامتی بلکہ خطے اور دنیا میں امن کے قیام کے لیے بھی مؤثر کردار ادا کرنے کی صلاحیت رکھتے ہیں۔

دوسری جانب وزیراعظم شہباز شریف نے ایران اور امریکا کے درمیان امن معاہدے کی باضابطہ تصدیق کرتے ہوئے بتایا کہ اس معاہدے پر دستخط کی تقریب 19 جون کو سوئٹزرلینڈ میں منعقد ہوگی۔ وزیراعظم کے مطابق اس معاہدے کے نتیجے میں دونوں ممالک نے تمام محاذوں پر فوری اور مستقل جنگ بندی پر اتفاق کیا ہے۔

وزیراعظم شہباز شریف نے معاہدے کی کامیابی میں قطر، سعودی عرب اور ترکیے کے سفارتی کردار کو بھی سراہا۔ انہوں نے کہا کہ ان ممالک کی مسلسل کوششوں اور سفارتی رابطوں نے مذاکرات کو کامیاب بنانے میں اہم کردار ادا کیا۔

معاہدے کی اہم شقوں کے مطابق ایران اور امریکا نے مختلف محاذوں پر جاری فوجی کارروائیوں کو روکنے کا فیصلہ کیا ہے۔ اس میں لبنان سمیت دیگر حساس علاقوں میں کشیدگی کے خاتمے اور امن کے فروغ کے اقدامات بھی شامل ہیں۔ تجزیہ کاروں کے مطابق یہ معاہدہ خطے میں استحکام اور عالمی امن کے لیے ایک اہم پیش رفت ثابت ہو سکتا ہے۔

سیاسی و سفارتی حلقوں کا کہنا ہے کہ اگر معاہدے پر مکمل عمل درآمد ہوتا ہے تو اس سے نہ صرف مشرقِ وسطیٰ میں کشیدگی کم ہوگی بلکہ عالمی سطح پر بھی امن اور اقتصادی استحکام کے نئے امکانات پیدا ہوں