مسترد شدہ لوگوں سے نہیں،آرمی چیف،ڈی جی آئی ایس آئی سے مذاکرات چاہتے ہیں، شہریار آفریدی
بانی پی ٹی آئی اور پاکستان لازم و ملزوم ہیں، بدترین دھاندلی کے باوجود یہ بری طرح ناکام ہوئے ہیں، ان میں اخلاقی جرات ہے تو خود کہیں ہمیں عوام نے ووٹ نہیں دیا، حکومت چھوڑ دیں، نجی ٹی وی پروگرام میں گفتگو
اسلام آباد: سینئر رہنما ء پی ٹی آئی شہریار آفریدی نے کہا ہے کہ مسترد شدہ لوگوں سے نہیں،آرمی چیف،ڈی جی آئی ایس آئی سے مذاکرات چاہتے ہیں، یہ جلد ہوں گے،بانی پی ٹی آئی اور پاکستان لازم و ملزوم ہیں، بدترین دھاندلی کے باوجود یہ بری طرح ناکام ہوئے ہیں، ان میں اخلاقی جرات ہے تو خود کہیں ہمیں عوام نے ووٹ نہیں دیا، حکومت چھوڑ دیں۔
نجی ٹی وی پروگرام میں حکومت پر تنقید کرتے رہنماء پی ٹی آئی شہریار آفریدی نے کہا کہ یہ خود محتاج ہیں، ریموٹ کنٹرول سے کنٹرول ہوتے ہیں، فارم 47کے ذریعے ایوان میں آگئے ہیں، عوام نے انہیں مسترد کردیاہے، یہ مسترد شدہ لوگ ہیں، یہ ہم سے کیا مذاکرات کریں گے؟۔ انہوں نے کہا کہ بانی پی ٹی آئی اور پاکستان لازم و ملزوم ہیں، بدترین دھاندلی کے باوجود یہ بری طرح ناکام ہوئے ہیں، ان میں اخلاقی جرات ہے تو خود کہیں کہ ہمیں عوام نے ووٹ نہیں دیا، حکومت چھوڑ دیں۔
انہوں نے کہا کہ ہم صرف آرمی چیف اور ڈی جی آئی کے ساتھ مذاکرات کریں گے،ان لوگوں کو اسٹیبلشمنٹ نے سپورٹ کیا ہے، میرا لیڈر کوئی این آر او نہیں چاہتا، ہم مذاکرات پاکستان کے بہتر مستقبل کیلئے کرنا چاہتے ہیں۔
