انگلش بالر گس ایٹکنسن نے ٹیسٹ کرکٹ میں نئی تاریخ رقم کر دی
چوٹ کے باعث سیریز کے ابتدائی چار میچز نہ کھیلنے والے ایٹکنسن نے شاندار انداز میں واپسی کی
اسلام آباد: انگلینڈ کے فاسٹ بالر گس ایٹکنسن نے ٹیسٹ کرکٹ میں ایک منفرد اور نایاب ریکارڈ قائم کرتے ہوئے 129 سالی پرانا کارنامہ دہرا دیا۔
چوٹ کے باعث سیریز کے ابتدائی چار میچز نہ کھیلنے والے ایٹکنسن نے شاندار انداز میں واپسی کی اور بھارت کے خلاف زبردست بولنگ کا مظاہرہ کرتے ہوئے 5 وکٹیں حاصل کیں۔ انہوں نے یشسوی جیسوال، دھروو جورَیل، واشنگٹن سندر، محمد سراج اور پرسدھ کرشنا کو پویلین کی راہ دکھائی۔
اس 5 وکٹوں کی مدد سے گس نے اپنے ٹیسٹ کیرئیر میں صرف 13 میچز میں 21 کی اوسط اور 1۔34 کے اسٹرائیک ریٹ کے ساتھ 60 وکٹیں حاسل کی تھیں۔
اس کارکردگی کے ساتھ انہوں نے 129 سال بعد وہ اعزاز اپنے نام کر لیا جو اس سے قبل صرف انگلینڈ کے عظیم بولر جارج لوہمن کو حاصل تھا جنہوں نے 1896 میں 34.1 کے اسٹرائیک ریٹ کے ساتھ 60 وکٹیں حاصل کی تھیں۔
آسٹریلوی بالر اسکاٹ بولینڈ 36 کے اسٹرائیک ریٹ کے ساتھ تیسرے نمبر پر ہیں۔
