Newspulse - نیوز پلس
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

LOC پر بھارتی فوج کی بلا اشتعال فائرنگ،پاک فوج کے دو جوان شہید

بھارتی فوج کی بلااشتعال فائرنگ سے سپاہی نور حسن اور سپاہی وسیم علی نے جامِ شہادت نوش کیا۔ آئی ایس پی آر

راولپنڈی (نیوز پلس) بھارت کی جانب سے شہری آبادی پر بلا اشتعال فائرنگ اور گولہ باری کر کے لائن آف کنٹرول (ایل او سی) کی خلاف ورزی کا سلسلہ مسلسل جاری ہے۔
پاک فوج کے شعبہ تعلقاتِ عامہ (آئی ایس پی آر) کے مطابق آج بھی ایل او سی کے دیوا سیکٹر پر بھارتی فوج کی جانب سے بلا اشتعال فائرنگ و گولہ باری کی گئی ہے جس کے نتیجے میں پاک فوج کے 2 جوان شہید ہو گئے ہیں آئی ایس پی آر کے مطابق بھارتی فوج کی بلااشتعال فائرنگ سے سپاہی نور حسن اور سپاہی وسیم علی نے جامِ شہادت نوش کیا ہے۔
آئی ایس پی آر کے مطابق پاک فوج کی جانب سے بھارتی بلا اشتعال فائرنگ و گولہ باری کاموثر جواب دیتے ہوئے بھارتی پوسٹوں کو نشانہ بنایا گیا ہے۔آئی ایس پی آر نے بتایا ہے کہ پاکستان کی جوابی کارروائی میں بھارتی پوسٹ پر جانی اور مالی نقصان ہوا ہے۔
پاک فوج کے شعبہ تعلقاتِ عامہ (آئی ایس پی آر) کے مطابق بھارتی فوج کی جانب سے رواں سال (2020ء میں) 2 ہزار 333 بار ایل او سی کی خلاف ورزی کی گئی ہے۔

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More