لاہور(نیوز پلس) جمیعت علمائے اسلام(ف) کا آزادی مارچ۔ حکومت پنجاب نے بڑا فیصلہ کرتے ہوئے پولیس کو 10 کروڑ روپے جاری کر دیئے ہیں۔ آئی جی پنجاب نے بھاری اخراجات کی لسٹ حکومت کو بھجوائی تھی جس پر عمل در آمد کرتے ہوئے پنجاب حکومت نے آزادی مارچ کے اخراجات کے لیے پنجاب پولیس کو 10کروڑ روپے جاری کر دیئے ہیں۔ذرائع کے مطابق پنجاب بھر سے اہلکاروں کے کھانے پینے، رہائش، تیل اور دیگر سکیورٹی آلات کے کرایوں کی مد میں اخراجات ہوں گے اور پنجاب بھر کی فورس آزادی مارچ کے حوالے سے صوبہ بھر میں تعینات کر دی گئی ہے، بیشتر اضلاع میں پنجاب کانسٹیبلری سے بھی ریزرویں منگوائی گئیں ہیں۔