جن سیاستدانوں کی ویڈیوز لیک کرتی ہوں وہ اسی قابل ہیں ۔ حریم شاہ
معروف ٹک ٹاکر حریم شاہ نے کہا ہے کہ جن سیاستدانوں کی ویڈیوں لیک کرتی ہوں وہ اسی قابل ہیں
لاہور پریس کلب میں میڈیا سے گفتگو کرتے ہوئے حریم شاہ کا کہنا تھا کہ ویڈیو لیک سے متعلق جس نے مجھ پر کیس کرنا ہے کر لے، مجھے کسی کا خوف نہیں ابھی ملک میں ہوں اور مقابلہ کروں گی۔
ان کا کہنا تھا کہ صندل خٹک کے معاملے پر ایف آئی اے اور عدالتوں کی مشکور ہوں وکلا کی مشاورت سے ان کو ضمانت تو مل گئی مگر بری نہیں ہوئی۔
حریم شاہ نے مزید کہا کہ میں ایک دو روز میں چیئرمین پی ٹی آئی سے ملاقات کے بعد پی ٹی آئی میں شمولیت کا فیصلہ کروں گی۔
ٹک ٹاکر نے کہا کہ مولانا فضل الرحمن نے مجھے دھمکیاں دیں لیکن میں کسی سے نہیں ڈرتی اس ملک میں ہوں جس نے جو کرنا ہے کر لے۔