استعفے سے پہلے کوئی مذاکرات نہیں ہوسکتے۔مولانا فضل الرحمٰن

اسلام آ باد (نیوز پلس)جمعیت علمائے اسلام (ف) کے سربراہ مولانا فضل الرحمٰن نے حکومت کی جانب سے مذاکرات کے لیے کمیٹی کی تشکیل کے حوالے سے کہا ہے کہ استعفے سے پہلے کوئی مذاکرات نہیں ہوسکتے۔اسلام آباد میں میڈیا سے گفتگو کے دوران آزادی مارچ کے حوالے سے جمیعت کے سر براہ مولانا فضل الرحمٰن نے کہا کہ‘مذاکرات سے پہلے استعفیٰ ضروری ہوگا تاکہ استعفے کے بعد کی صورت حال پر مذاکرات کیے جاسکیں ’۔پاکستان تحریک انصاف کی وفاقی حکومت کی جانب سے مذاکرات کے لیے پرویز خٹک کی سربراہی میں کمیٹی کی تشکیل دینے سے متعلق ایک سوال پر انہوں نے کہاکہ‘ہمیں اس کا کوئی علم نہیں ہے، نہ ہی ہمارے ساتھ کوئی رابطہ ہے، مذاکرات سے پہلے استعفیٰ ضروری ہوگا’۔مولانا فضل الرحمن نے دو ٹوک الفاظ میں کہا کہ‘استعفے پر کوئی مذاکرات نہیں ہوسکتے’۔