Newspulse - نیوز پلس
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

کشمیر پر سلیکٹڈ نمائندے غلطی پر غلطی کر رہے ہیں۔ بلاول بھٹو زرداری

مسئلہ کشمیر پر سودے بازی کوئی برداشت نہیں کرسکتا

جامشورو(نیوز پلس)پاکستان پیپلز پارٹی کے چیئر مین بلاول بھٹو زرداری نے کہا کہ کشمیر پر سلیکٹڈ نمائندے غلطی پر غلطی کر رہے ہیں۔ مسئلہ کشمیر پر سودے بازی کوئی برداشت نہیں کرسکتا،جامشورو میں میڈیا سے گفتگو کرتے ہوئے بلاول بھٹو نے کہا کہ حکومت غیر جمہوری روّیہ اپنا رہی ہے، پیپلزپارٹی نے ہر دور میں آمروں کا مقابلہ کیا، کشمیر کاز پر کوئی سمجھوتہ نہیں ہونے دیں گے، کشمیر کاز پر کوئی پاکستانی کوتاہی برداشت نہیں کرے گا۔انہوں نے کہاکہ ذوالفقار علی بھٹو شہید نے کہا تھا نیند میں بھی کشمیر پرغلطی نہیں کر سکتا۔ کشمیر پر سلیکٹڈ نمائندے غلطی پر غلطی کر رہے ہیں، پورے کشمیرکوجیل میں تبدیل کر دیا گیا، ہماری حکومت ہوتی تو وزیراعظم پورے ملک کا وزیراعظم ہوتا۔پیپلز پارٹی کے چیئر مین کا کہنا تھا کہ ہمارا وزیراعظم کشمیریوں کی آواز دنیا تک پہنچاتا۔ مسئلہ کشمیر پر سودے بازی کوئی برداشت نہیں کرسکتا، وزیراعظم ہر اعلان پر یوٹرن لے لیتے ہیں، بھارت نے مقبوضہ کشمیر کو جیل میں بدل دیا، یہ تاریخی حملہ ہے،بلاول بھٹو کا کہنا تھا کہ سلیکٹڈ حکومت میں یہ اہلیت نہیں کہ ملکی معیشت سنبھال سکے، کلین کراچی مہم میں کچرا ایک جگہ سے اٹھا کر دوسری جگہ رکھ دیا گیا۔ ہمارے صوبے اور عوام کا معاشی قتل کیا جا رہا ہے۔ بارشوں میں پی ٹی آئی نے کچرا اٹھا کر دوسری جگہ رکھ دیا۔ پی ٹی آئی کی کلین کراچی مہم سے شہریوں کومشکلات پیش آئیں۔انہوں نے کہا کہ پہلے دن سے کہہ رہے ہیں و فاق این ایف سی کی مد میں صوبے کا حصہ دے،پی پی ہی عوامی مسائل حل کر سکتی ہے، پہلے دن کہا تھا جیل میں بند کرنا ہے تو کر دیں، پیپلزپارٹی ہر ظلم برداشت کرنے کیلئے تیار ہے، ماضی میں اپوزیشن میں ہونے کے باوجود کسی دھرنے میں شامل نہیں ہوئے،۔بلاول بھٹو کا مزید کہنا تھا کہ پاکستان پیپلزپارٹی کی دھرنے سے متعلق پالیسی ایک ہے،جے یو آئی (ف) کے امیر فضل الرحمان کے دھرنے کے ساتھ اخلاقی حمایت رہے گی۔

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More