چیمپئینز ٹرافی2025: بھارت نے بنگلہ دیش کو 6 وکٹوں سے شکست دے دی
دبئی: آئی سی سی چیمپئینز ٹرافی کے دوسرے میچ میں بھارت نے بنگلہ دیش کو 6 وکٹوں سے شکست دے دی۔
قبل ازیں دبئی انٹرنیشنل کرکٹ سٹیڈیم میں کھیلے گئے میچ میں بنگلادیش نے ٹاس جیت کر پہلے بیٹنگ کا فیصلہ کیا، پہلے بیٹنگ کرتے ہوئے بنگلادیش کی پوری ٹیم آخری اوور میں 228 رنز بنا کر پویلین لوٹ گئی۔
بھارت نے 229 رنز کا ہدف 46.3 اوورز میں محض چار وکٹوں کے نقصان پر حاصل کرلیا، شبمن گل 101 رنز کیساتھ نمایاں رہے۔
ہدف ہے تعاقب میں بھارت کی جانب سے اننگز کا آغاز کپتان روہت شرما اور شبمن گل نے کیا اوپنرز جوڑی نے ذمہ دارانہ بیٹنگ کا مظاہرہ کیا تاہم 69 رنز کے مجموعی سکور پر کپتان روہت شرما 41 رنز بناکر آؤٹ ہوگئے۔
بھارت کی دوسری وکٹ 112 رنز کے مجموعی سکور پر گری جب ویرات کوہلی 22 رنز بناکر کیچ تھما بیٹھے، شریاس ایئر 15 اور اکشر پٹیل 8 رنز بنا کر آؤٹ ہوئے جبکہ شبمن گل نے 101 رنز اور کے ایل راہوال نے 41 رنز کی ناقابل شکست اننگز کھیلی۔
بنگلہ دیش کی جانب سے اننگز کا آغاز مایوس کن رہا ، ابتدائی 10 اوورز میں صرف 35 رنز پر 5 وکٹیں گنوا دیں۔
اوپنر سومیا سرکار اور کپتان نجم الحسن شانتو بغیر کوئی رن نہہیں بنا پائے جبکہ مہدی حسن 5 رنز کے مہمان ثابت ہوئے۔
اوپنر بلے باز تنزید حسن بھی 25 رنز بنا کر وکٹ گنوا بیٹھے تاہم توحید ہردوئے اور ذاکر علی نے 154 رنز کی ریکارڈ پارٹنرشپ قائم کرکے اپنی ٹیم کی پوزیشن مستحکم کی، ذاکر 68 کے انفرادی سکور پر آؤٹ ہوئے جبکہ توحید ہردوئے سنچری سکور کرکے کیچ تھما بیٹھے۔
بنگلا دیش کی جانب سے رشید حسین 18، تسکین احمد 3 رنز بنا کر آؤٹ ہوگئے جبکہ مشفیق الرحمیم اور تنظیم حسن ثاقب بھی بغیر کھاتے کھولے چلتے بنے۔
بھارت کی جانب سے محمد شامی نے 5 ، ہرشست رانا نے 3اور اکشر پٹیل نے 2 وکٹیں حاصل کیں/