نیوکلیئر توانائی مزید محفوظ اور سستی بنانے پر توجہ دینے کی ضرورت ہے ، اسحق ڈار
ماحول دوست جوہری توانائی مستقبل کیلئے قابل عمل حل پیش کرتی ہے
وزیر خارجہ کابرسلز میں جوہری توانائی سربراہی اجلاس سے خطاب
وفاقی وزیر خارجہ اسحق ڈار نے کہا ہے کہ ماحول دوست جوہری توانائی مستقبل کے لیے قابل عمل حل پیش کرتی ہے۔نیوکلیئر توانائی مزید محفوظ اور سستی بنانے پر توجہ دینے کی ضرورت ہے،
برسلز میں جوہری توانائی سربراہی اجلاس سے خطاب کرتے ہوئے اسحق ڈار نے کہا کہ یہ خوش آئند ہے کہ ٹیکنالوجی نے نیوکلئیر انرجی کو محفوظ بنانے میں کردار ادا کیا ہے، ہمیں اپنی توجہ حفاظت اور فضلہ کے انتظام اور پھیلاو پر مرکوز رکھنی چاہیے۔
ان کا کہنا تھا کہ اسی طرح ہمیں اپنی توجہ نیوکلئیر سیفٹی پر بھی مرکوز رکھنی چاہیے، چھوٹے ماڈیولس ری ایکٹر نے جوہری توانائی کو دور دراز کی آبادیوں تک پہنچانے کا وعدہ کیا ہے جو ان جگہوں پر صاف توانائی تک رسائی فراہم کرتے ہیں جہاں اس کی سب سے زیادہ ضرورت ہے۔اسحق ڈار نے کہا کہ پاکستان کے پاس نیوکلیئر پاور پلانٹس کو محفوظ طریقے سے چلانے کا تجربہ ہے، ہم نے پہلے نیوکلئیر پاور پلانٹ کی تعمیر 66 دہائی قبل کراچی میں شروع کی تھی، ہمارے پاس ابھی 6 فعل نیوکلئیر پاور پلانٹس ہیں جن سے 3 ہزار 530 میگا واٹس بجلی پیدا ہوتی ہے، جوہری توانائی آج ہماری نصب شدہ بجلی پیدا کرنے کی صلاحیت کا تقریبا 8 فیصد ہے۔
ان کا کہنا تھا کہ بڑھتی ہوئی گھریلو توانائی کے تقاضوں کے پیش نظر جوہری توانائی کو ہماری قومی بجلی کی پالیسی اور قومی موسمیاتی تبدیلی کی پالیسی دونوں میں ترجیح دی گئی ہے۔ملک میں نیوکلئیر توانائی کی صلاحیت نے اب تک 10 کروڑ ٹن سے زیادہ کاربن ڈائی اکسائیڈ کے اخراج سے بچایا ہے۔
انہوں نے بتایا کہ پاکستان کے پاس جوہری توانائی کے بنیادی ڈھانچے کو سپورٹ کرنے کے لیے مکمل طور پر تربیت یافتہ انسانی وسائل موجود ہیں۔ان کا کہنا تھا کہ ہمیں صاف اور سستی توانائی کی ضرورت ہے، انرجی سیکیورٹی ترقی یافتہ اور ترقی پذیر ممالک کی ترجیح ہے ہمیں صاف اور سستی توانائی کی ضرورت ہے، توانائی کے مسائل کے حل کے لیے پائیدار اقدامات ضروری ہیں، ماحول دوست جوہری توانائی مستقبل کے لییقابل عمل حل پیش کرتی ہے۔
اسحق ڈار نے کہا کہ نیوکلیئر سے حاصل توانائی ماحول دوست ہے، ہم نے کوپ 28 میں کم اخراج والی ٹیکنالوجی میں جوہری توانائی کی توثیق کی تھی، یہ سمٹ توانائی کی بڑھتی طلب اور درپیش موسمیاتی چیلنجز کے وقت ہورہا ہے، نیوکلیئر توانائی مزید محفوظ اور سستی بنانے پر توجہ دینے کی ضرورت ہے۔
وزیر خارجہ کا کہنا تھا کہ بیلجئیم حکومت اور آئی اے ای اے کا اجلاس کیانعقاد پر شکریہ ادا کرتا ہوں، ماحول دوست جوہری توانائی مستقبل کے لییقابل عمل حل پیش کرتی ہے،
اس سے قبل وزیر خارجہ اسحاق ڈار پہلی نیوکلیئر انرجی سمٹ میں شرکت کے لیے برسلز پہنچ گئے تو یورپی یونین، بیلجیئم اور لکسمبرگ میں پاکستان کی سفیر آمنہ بلوچ نے ان کا استقبال کیا۔۔
