Newspulse - نیوز پلس
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

میجر عدیل شاہد کوکراچی جبکہ سپاہی فراز حسین کوکوٹلی آزاد کشمیر میں فوجی اعزازات کیساتھ سپر د خاک کر دیاگیا

میجر عدیل شاہد کی نماز جنازہ میں کور کمانڈر کراچی سمیت اعلیٰ فوجی افسران اور سیاسی رہنماؤں کی بڑی تعداد نے بھی شرکت کی

کراچی(نیوز پلس) پاک فوج کے شعبہ تعلقات عامہ کے مطابق مہمند ایجنسی میں شہید ہونے والے میجر عدیل شاہد کی نماز جنازہ کراچی جبکہ سپاہی فراز حسین کی نماز جنازہ کوٹلی آزاد کشمیر میں ادا کی گئی جبکہ دونوں شہداء کو فوجی اعزازات کیساتھ آبائی قبرستان میں سپرد خاک کر دیا گیا۔ڈی جی آئی ایس پی آر میجر جنرل آصف غفورکا کہنا تھا کہ میجر عدیل شاہد گزشتہ روز پاک افغان سرحد پر ضلع مہمند میں بارودی سرنگ دھماکے میں شہید ہوئے تھے۔پاک فوج کے شعبہ تعلقات عامہ (آئی ایس پی آر) کے مطابق میجر عدیل شاہد کی نماز جنازہ میں کور کمانڈر کراچی سمیت اعلیٰ فوجی افسران اور سیاسی رہنماؤں کی بڑی تعداد نے بھی شرکت کی جبکہ انہیں فوجی اعزازات کیساتھ سپرد خاک کیا گیا۔دوسری طرف پاک افغان سرحد پر شہید ہونے والے پاک آرمی کے جوان فراز حسین شہید کی نماز جنازہ ہوائی جہاز گراؤنڈ میں ادا کر دی گئی۔ نماز جنازہ میں اعلیٰ فوجی افسران، مختلف سیاسی،مذہبی،وکلاء، تاجر جماعتوں کے رہنماؤں، عوام علاقہ سمیت ہرمکتبہ فکرسے تعلق رکھنے والے ہزاروں افراد نے شرکت کی۔

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More