خبیر پختونخوا میں سییکورٹی فورسز کی کاروائیاں ، 13 خوارج ہلاک
پاک فوج کے شعبہ تعلقات عامہ آئی ایس پی آر کے مطابق سیکیورٹی فورسز نے باڑہ اور بنوں میں کامیاب کارروائیاں کیں۔ باڑہ میں انٹیلی جنس بیسڈ آپریشن کے دوران 10 خوارج مارے گئے، جبکہ بنوں میں ایک اور کارروائی میں 3 خوارج ہلاک ہوئے۔
آئی ایس پی آر کا کہنا ہے کہ علاقے میں دہشتگردوں کے مکمل خاتمے کے لیے کلیئرنس آپریشنز بدستور جاری ہیں۔
دوسری جانب شہباز شریف نے خیبرپختونخوا میں 13 خوارج کی ہلاکت پر سیکیورٹی فورسز کو خراجِ تحسین پیش کیا۔ ان کا کہنا تھا کہ فورسز نے پیشہ ورانہ مہارت کا مظاہرہ کرتے ہوئے بنوں اور باڑہ میں دہشتگردوں کو کامیابی سے انجام تک پہنچایا، اور وہ دہشتگردی کے خلاف ایک مضبوط دیوار کی حیثیت رکھتی ہیں۔
