Newspulse - نیوز پلس
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

ثقلین مشتاق اپنی اہلیہ سے شرط ہار گئے

بہت افسوس کی بات ہے کہ میں شرط ہار گیا ہوں اور اب مجھے سزا کے طور پر ایک ہفتے تک کھانا پکانا پڑے گا‘

لاہور (نیوزپلس)  قومی کرکٹ ٹیم کے سابق آف اسپنر ثقلین مشتاق اپنی اہلیہ سے شرط ہارنے کے بعد اہلیہ کی جانب سے اُنہیں کھانا پکانے کی انوکھی سزا دی گئی ہے۔

واضح رہے کہ گزشتہ روز سابق کرکٹر ثقلین مشتاق نے ٹوئٹر پر ایک دلچسپ تصویر شیئر کرتے ہوئے اپنی اہلیہ سے شرط لگائی تھی کہ اس تصویر پر 5 ہزار ری ٹوئٹس، 20 ہزار لائکس اور 10 ہزار کمنٹس لازمی آئیں گے لیکن افسوس کی بات یہ ہے کہ سابق کرکٹر شرط جیتنے میں کامیاب نہ ہوسکے۔

اِس ضمن میں ثقلین مشتاق نے ٹوئٹر پر اپنے اُس ٹوئٹ کا اسکرین شارٹ شیئر کیا ہے جس پر اُنہوں نے اہلیہ سے شرط لگائی تھی۔

 

ثقلین مشتاق کی جانب سے شیئر کیے جانے والے اسکرین شارٹ میں دیکھا جاسکتا ہے کہ اُن کی تصویر پر 7 ہزار سے زائد ری ٹوئٹس، 43ہزار سے زائد لائکس آئے ہیں جبکہ کمنٹس صرف 3 ہزار سے زائد آئے ہیں جس کا مطلب یہ ہے کہ وہ اپنی شرط ہار چکے ہیں۔

ثقلین مشتاق نےاپنے مداحوں کا شکریہ ادا کرتے ہوئے لکھا کہ ’آپ سب کے تعاون کے لیے بے حد شکریہ۔‘


سابق کرکٹر نے شرط ہارنے پر دُکھ کا اظہار کرتے ہوئے لکھا کہ ’یہ بہت افسوس کی بات ہے کہ میں شرط ہار گیا ہوں اور اب مجھے سزا کے طور پر ایک ہفتے تک کھانا پکانا پڑے گا۔

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More