چیمپئینز ٹرافی: افغانستان نے انگلینڈ کو شکست دے کے ایونٹ سے باہر کر دیا
لاہور: چمپئنز ٹرافی کے میچ میں سنسنی خیز مقابلے کے بعد افعانستان نے انگلینڈ کو8 رنزسے شکست دے دی، میچ کا فیصلہ آخری اوورکی پانچویں گیند پرہوا،ابراہیم زدران کے146گیندوں پر177رنز بنا کر میچ کے بہترین کھلاڑی قرارپائے۔
آئی سی سی چیمپئنز ٹرافی کے آٹھویں میچ میں افغانستان کے کپتان حشمت اللہ شاہدی نے انگلینڈ کے خلاف ٹاس جیت کر پہلے بیٹنگ کا فیصلہ کیا۔ افعانستان نے مقررہ 50اووروں میں 7وکٹوں کے نقصان پر325رنزبنائے۔ افعانستان کی جانب سے ابراہیم زدران، رحمن اللہ گربازنے اوپننگ کی،37 کے مجموعی سکور پر افغانستان کی 3 وکٹیں گر گئیں،رحمن اللہ گرباز 6، صادق اللہ اتال4 اوررحمت شاہ4 رنزبنا کر پویلین واپس لوٹ گئے۔ حشمت اللہ شاہدی اورابراہیم زدران نے چوتھی وکٹ کی شراکت میں 103 رنزکااضافہ کیا۔
حشمت اللہ 40رنز بناکر آؤٹ ہوئے۔اوپنر ابراہیم زدران 146 گیندوں پر 6 چھکوں اور 12 چوکوں کی مدد سے 177 رنزبنا کر آؤٹ ہوئے۔ عظمت اللہ اور محمد نبی 40,40رنزبناکر آؤٹ ہوئے۔
گلبدین اور راشد خان ایک،ایک سکور بنا کر ناٹ آؤٹ رہے۔ انگلینڈ کی جانب سے جوفرا آرچر نے 3، لیام لیونگسٹن نے 2، جیمی اوورٹن اور عادل رشید نے ایک،ایک کھلاڑی کو آؤٹ کیا۔ 326 رنز کے ہدف کے حصول کے لیے بعد میں بیٹنگ کرتے ہوئے انگلینڈ کی پوری ٹیم 49.5 اووروں میں 317 رنز پر آؤٹ ہوگئی۔انگلینڈ کا آغاز بھی اچھا نہ تھا اور30 کے مجموعی سکور پر اس کے2 کھلاڑی آؤٹ ہوگئے، فل سالٹ12 اورجیمی اسمتھ 9 رنزبناکر آؤٹ ہوئے۔
بین ڈکٹ 38، ہیری بروک 25، جو روٹ اور جوز بٹلر نے پانچویں وکٹ کی شراکت میں 83 رنز کا اضافہ کیا،216 کے مجموعی سکور پر جوز بٹلر 38 رنزبناکر آؤٹ ہوئے،لیام لیونگسٹن 10، جو روٹ 111 گیندوں پر ایک چھکے اور 11 چوکوں کی مدد سے 120رنزبنا کر آؤٹ ہوئے۔جیمی اورٹن 32،جوفرا آرچر نے 14 اور عادل رشید 5 رنزبناکر آؤٹ ہوئے۔ مارک ووڈ 2 رنزبناکرناٹ آؤٹ رہے۔
افعانستان کی جانب سے عظمت اللہ عمرزی نے5، محمد نبی نے2، راشد خان، فضل الحق فاروقی اور گلبدین نے ایک،ایک کھلاڑی کو آؤٹ کیا۔ابراہیم زدران کے 146 گیندوں پر177 رنز بنا کر میچ کے بہترین کھلاڑی قرارپائے۔