پورے پاکستان نے میرا استقبال میری محنت سے زیادہ کیا، ارشد ندیم

پورے پاکستان نے میرا استقبال میری محنت سے زیادہ کیا، ارشد ندیم  

اسلام آباد :  قومی ہیرو ارشد ندیم نے کہا کہ ، پلیئرز کی حوصلہ افزائی سے اس میں مزید جوش و جذبہ پیدا ہوتا ہے، پورے پاکستان نے میرا استقبال میری محنت سے زیادہ کیا۔

ان خیالات کا اظہار وزیراعظم ہاؤس میں اپنے اعزاز میں دیئے گئے استقبالیہ سے خطاب کرتے ہوئے ارشد ندیم نے کیا۔

ارشد ندیم کا کہنا تھا کہ وزیراعظم کا شکریہ ادا کرتا ہوں، جو عزت کھلاڑی کو دی جاتی ہے وہ سب سے اہم ہوتی ہے۔

ارشد ندیم نے کہا کہ پلیئرز کی حوصلہ افزائی سے اس میں مزید جوش و جذبہ پیدا ہوتا ہے۔

انہوں نے یہ بھی کہا کہ میں بہت خوش ہوں کہ اللّٰہ تعالیٰ نے گولڈ میڈل جتوایا ہے۔ 14 اگست گولڈ میڈل کے ساتھ منائیں گے۔

ارشد نیدم نے کہا کہ اب تک کئی ریکارڈ قائم کئے اللہ تعالیٰ مجھے فٹ رکھے میں ورلڈ ریکارڈ قائم کروں گا۔

آل پنجاب کرکٹ کھیلی ہے، بھائی نے کہا کہ کرکٹ چھوڑو ایتھلیٹکس میں آ جاؤ۔ میں نے جیولین تھرو 2012 سے شروع کیا، پہلے کوچ نے کہا کہ ایتھلیٹکس میں صرف جیولین تھرو کرو۔

انہوں نے یہ بھی کہا کہ میں بہت خوش ہوں کہ اللّٰہ تعالیٰ نے گولڈ میڈل جتوایا ہے، 14 اگست گولڈ میڈل کے ساتھ منائیں گے، پلیئرز کی حوصلہ افزائی سے اس میں مزید جوش و جذبہ پیدا ہوتا ہے، پورے پاکستان نے میرا استقبال میری محنت سے زیادہ کیا۔