پاکستان میں ابھی تک وائرس کا کوئی مریض سامنے نہیں آیا۔سینیٹر شبلی فراز

اسلام آباد (نیوز پلس) سینیٹ میں قائد ایوان سینیٹر شبلی فراز نے کہا ہے پاکستان میں ابھی تک وائرس کا کوئی مریض سامنے نہیں آیا۔تفصیلات کے مطابق کرونا وائرس سے متعلق ایوان بالا میں پالیسی بیان دیتے ہوئے کہا ہے کہ پاکستان میں کرونا وائرس کا مریض سامنے نہیں آ یا۔انہوں نے کہا کہ دنیا بھر میں کرونا وائرس کے 31 ہزار سے زائد کیسز سامنے آئے ہیں۔شبلی فراز کا کہنا تھا کہ کرونا وائرس سے متعلق وزارت صحت نے ٹاسک فورس بنائی ہے۔قائد ایوان کا کہنا تھا کہ وائرس سے متعلق منتشر معلومات سامنے آئیں ہیں مگر کوئی مریض سامنے نہیں آیا۔انہوں نے کہا کہ حفاظتی اقدامات کے تحت ائیر پورٹ پر مسافروں کی سکرنینگ کی جارہی ہیں۔سینیٹر شبلی فراز نے کہا کہ 3 فروری سے چین سے پروازوں کی آمد و رفت شروع ہو چکی۔