اسلام آباد(نیوز پلس) نیپرا نے بجلی ایک روپے 82 پیسے فی یونٹ مہنگی کر دی۔جس سے آئندہ ماہ صارفین پر 33 ارب روپے کا اضافی بوجھ پڑے گا جبکہ کے الیکٹرک کے صارفین پر فیصلے کا اطلاق نہیں ہوگا۔تفصیلات کے مطابق نیپرا نے بجلی ایک ماہ کے لئے 1 روپے 82 پیسے فی یونٹ مہنگی کر دی ہے جس کا نوٹیفکیشن جاری کر دیا گیا۔ نوٹیفکیشن کے مطابق قیمت میں اضافہ ستمبر کی فیول پرائس ایڈجسٹمنٹ کی مد میں کیا گیا ہے۔قیمتوں میں اضافے سے بجلی صارفین پر آئندہ ماہ 33 ارب روپے کا اضافی بوجھ پڑے گا۔ نیپرا کے مطابق ستمبرمیں بجلی کی پیداواری لاگت 4 روپے 66 پیسے اور ریفرنس فیول لاگت 2 روپے 84 پیسے فی یونٹ تھی۔