عامر خان نے اپنے گھر پر فلسطینی پرچم لہرا دیا

لندن (نیوزپلس) اسرائیلی فوج کی جانب سے جاری دہشت گردی کے خلاف نہتے فسلطینیوں کے ساتھ جاری اظہار یکجہتی کے لئے پاکستانی نژاد عالی شہرت یافتہ باکسر برطانوی باکسر عامر خان نے اپنے گھر کے باہر فلسطینی پرچم لہرا دیا۔

باکسر عامر خان نے اسرائیلی فورسز کی وحشیانہ بمباری کا شکار مظلوم فلسطینیوں سے اظہارِ یکجہتی کیا ہے۔

باکسر عامر خان نے ٹوئٹر پر اپنے گھر کی تصویر شیئر کی جس میں اُن کے گھر کے باہر فلسطینی پرچم لگا ہوا ہے۔

عامر خان نے تصویر شیئر کرتے ہوئے بتایا کہ ’اُنہوں نے برطانیہ میں اپنے گھر فلسطین کا پرچم لگا لیا ہے۔‘

اُنہوں نے اپنے ٹوئٹ میں ہیش ٹیگ FreePalestine بھی استعمال کیا جس کا مطلب ہے کہ ’فلسطین کو آزاد کرو۔‘