عالمی بینک کی پاکستان کے لئے 102 ملین ڈالر قرض کی منظوری
اسلام آباد: عالمی بینک نے پاکستان کےلئے 10 کروڑ ڈالر قرض کی منظوری دے دی ہے۔
ورلڈ بینک کےمطابق قرض کی رقم میکروکریڈٹ اورمیکروفنانس کے لیے استعمال ہوگی۔ قرض کی رقم سے 18 لاکھ 90 ہزار افراد مستفید ہو سکیں گے اور اس سے غریب اورکم آمدن والے گھرانوں کو قرض دیا جا سکے گا۔
پاکستان کوامداد نئےکنٹری پارٹنرشپ فریم ورک کے تحت دی گئی ہے اور قرض کی یہ رقم وزارت خزانہ مرکزی بینک کےذریعے استعمال میں لائے گا۔
اس حوالے سے جاری ہونے والے اعلامیے کے مطابق اس رقم کا مقصد موسمیاتی تبدیلیوں سے متاثرہ افراد کی آمدن بڑھانا ہے، یہ رقم عالمی بینک کے 10سالہ کنٹری پارٹنر شپ پروگرام کا حصہ ہے۔
اعلامیے کے مطابق منصوبہ چھوٹے کاروباروں اور دیہی علاقوں میں مالیاتی شمولیت بڑھانے میں مدد دے گا۔ عالمی بینک کے کنٹری ڈائریکٹرکا کہنا ہے کہ مائیکرو فنانس غریب طبقے کی مالی مدد کے لیے ایک اہم ذریعہ ہے۔ اس منصوبے سے 10 لاکھ خواتین سمیت 18 لاکھ 90 ہزار افراد مستفید ہوں گے۔
عالمی بینک کے کنٹری ڈائریکٹر کے مطابق پاکستان میں ورلڈ بینک کے رعاون سے 54 منصوبے جاری ہیں ، پاکستان میں عالمی بینک کی کل سرمایہ کاری 7۔15 ارب ڈالر تک پہنچ گئی ہے۔