شاہد اسلم پاکستان کرکٹ ٹیم کے بیٹنگ کوچ مقرر
لاہور: پاکستان کرکٹ بورڈ نے شاہد اسلم کو قومی کرکٹ ٹیم کا نیا کوچ مقرر کر دیا۔
آسٹریلیا میں پاکستان کرکٹ ٹیم کے بیٹنگ مسائل کو دیکھتے ہوئے مستقل بیٹنگ کوچ کی تقرری کی گئی ہے اور اس حوالے سے پی سی بی نے شاہد اسلم کو پاکستان کرکٹ ٹیم کا نیا بیٹنگ کوچ مقرر کیا ہے جس کی بورڈ نے تصدیق بھی کردی ہے۔
ترجمان پی سی بی کا کہنا تھا کہ شاہد اسلم بیٹنگ کوچ کی حیثیت سے زمبابوے اور جنوبی افریقا جا رہے ہیں ، جبکہ پاکستان ٹیم کے لئے اسپین باؤلنگ کوچ کی تلاش ہے جس کا تقرر کر دیا جائے گا۔
شاہد اسلم زمبابوے اور جنوبی افریقا میں بیٹنگ کوچ ہوں گے، عاقب جاوید کی سفارش پر ان کی دوبارہ تقرری ہو رہی ہے۔
یاد رہے کہ شاہد اسلم ماضی میں کئی سال تک ٹیم کے سپورٹ اسٹاف میں شامل تھے وہ بیٹرز کو پریکٹس کرانے میں شہرت رکھتے ہیں، وہ گھنٹوں تھرو ڈاؤن کرانے کی وجہ سے مشہور ہیں۔