سیکیورٹی فورسز کے خیبرپختونخوا میں مختلف آپریشنز میں 13خوارج دہشت گرد جہنم واصل ، میجر شہید
راولپنڈی: سیکیورٹی فورسز کی خیبرپختونخوا کے 3مختلف اضلاع میں انٹیلی جنس کی بنیاد پر کارروائیوں میں 13خارجی دہشت گرد ہلاک اور 8زخمی ہوگئے جبکہ فائرنگ کے شدید تبادلے میں میجر محمد اویس شہید ہو گئے۔
آئی ایس پی آر نے جاری اعلامیے کے مطابق دہشت گردوں کی موجودگی کی خفیہ اطلاع پر بنوں کے علاقے جانی خیل میں کارروائی کی گئی، فائرنگ کے تبادلے میں 2خارجی دہشت گرد مارے گئے۔
آئی ایس پی آر کے مطابق شمالی وزیرستان میں ایک اور خفیہ اطلاع پر کارروائی میں شدید فائرنگ کے تبادلے میں 5دہشت گرد ہلاک جبکہ 8زخمی ہوگئے۔آئی ایس پی آر کے مطابق فتنہ الخوارج کا بہادری سے مقابلے کرتے ہوئے 31سالہ میجر محمد اویس نیجام شہادت نوش کیا، ان کا تعلق ضلع ناروال سے تھا۔
آئی ایس پی آرنے بتایاکہ میجر محمد اویس شہید نیاہلیہ، بیٹا، والدین، بہن بھائیوں کو سوگوار چھوڑا، انہوں نے 10سال تک دفاع وطن کا فرض انجام دیا۔پاک فوج کے شعبہ تعلقات عامہ نے بتایا کہ تیسرا آپریشن جنوبی وزیرستان میں کیا گیا، جہاں 6خارجی دہشت گرد مارے گئے جبکہ 8زخمی ہوئے۔
آئی ایس پی آر کے مطابق کسی بھی خارجی دہشت گرد کی موجودگی کے خاتمے کے لیے کلیئرنس آپریشنز جاری ہیں، فورسز دہشت گردی کی لعنت کے خاتمے کے لیے پرعزم ہیں۔