جب میں سمجھوں گا کہ میں نہیں کھیل سکتا تو خود بتا دوں گا۔اظہر علی

کراچی (نیوز پلس)قومی کرکٹ ٹیسٹ ٹیم کے کپتان اظہر علی نے کہاہے کہ آسٹریلیا جیسے ملک میں تجربہ کار بالرز نہ ہوں تو پریشانی ہوتی ہے، تاہم اب ہوم سیریز کا فائدہ لینا ضروری ہے۔کراچی میں پریس کانفرنس کرتے ہوئے اظہر علی نے کہا کہ جب میں سمجھوں گا کہ میں نہیں کھیل سکتا تو خود بتا دوں گا۔ انہوں نے کہا کہ جب آپ پرفارم نہیں کرتے تو تنقید ہوتی ہے، اسے مثبت لینا چاہیے اور مجھے بھرپوراندازہ ہے کہ میں کچھ عرصے سے اسکور نہیں کر رہا ہوں۔اظہر علی کا مزید کہنا تھا کہا کہ بابر اور عابد کی بیٹنگ سے مثبت تاثر ملا ہے، دوسرے ٹیسٹ میں بہترین کمبی نیشن میدان میں اتاریں گے۔