امریکا سمیت کسی نے بھی ایران کے خلاف مذموم عزائم رکھے تواسے سخت نتائج کا سامنا کرنا ہو گا، آیت اللہ سید علی خامنہ ای
ایرانی سپریم لیڈر آیت اللہ سید علی خامنہ ای نے کہا ہے کہ یمنی حوثیوں کے حملے سے ایران کا کوئی تعلق نہین ایران خطے میں پراکسی وار نہیں چاہتا، اگر امریکا نے اسے جواز بنا کر ایران کے خلاف کوئہ اقدام اٹھایا تو اسے سنگین نتائج کا سامنا کرنا پڑے گا۔
سماجی رابطے کی ویب سائٹ ایکس پر ایرانی سپریم لیڈر آیت اللّٰہ خامنہ ای کے جاری پیغام میں دوٹوک الفاظ میں کہا کہ اگر امریکا یا کسی اور نے ایران کے خلاف مذموم عزائم رکھے تو اسے سخت نتائج کا سامنا کرنا پڑے گا۔
آیت اللہ سید علی خامنہ ای نے نئے سال کے پہلے دن تہران میں سالانہ تقریب کے دوران خطاب کیا ہے۔
ان کا کہنا ہے کہ امریکا نے یمن کے حوثی گروپ کو ایرانی پراکسی کہہ کر بڑی غلطی کی ہے، پراکسی کا کیا مطلب ہے؟
ایرانی سپریم لیڈر نے کہا کہ یمن کے اپنے مقاصد ہیں اور خطے میں مزاحمتی گروہوں کے اپنے محرکات ہیں، ایران کو پراکسیوں کی ضرورت نہیں ہے۔
ان کا کہنا تھا کہ وہ ہمیں دھمکیاں دیتے ہیں لیکن ہم نے کبھی کسی سے جنگ کا آغاز نہیں کیا تاہم اگر کوئی ایران کے خلاف اقدام اٹھائے گا تو اسے منہ توڑ جواب دیں گے۔
یاد رہے کہ امریکی صدر ڈونلڈ ٹرمپ نے یمن کے حوثی گروپ کی جانب سے اسرائیل پر ہونے والے حملے کا ذمہ دار ٹھہرایا تھا۔