آئی سی سی ون ڈے رینکنگ: شبمن گل ، روہت اور کوہلی ٹاپ فائیو بلے بازوں میں شامل
انٹرنیشنل کرکٹ کونسل (آئی سی سی ) نے تازہ ترین ون ڈے پلئیرز رینکنگ جاری کر دی ۔
بھارتی بلے باز شبمن گل کی پہلی پوزیشن برقرار جبکہ بابراعظم دوسرے نمبر پرموجود ہیں۔
رینکنگ کے مطابق بھارتی کپتان روہت شرما نے دو درجے ترقی پا کر تیسری پوزیشن حاصل کر لی، جبکہ جنوبی افریقہ کے ہینرک کلاسن چوتھے اور ویرات کوہلی پانچویں نمبر پر ہیں۔
بولرز میں سری لنکا کے مہیش تھیکشانہ پہلی پوزیشن پر ہیں جبکہ نیوزی لینڈ کے کپتان مچل سینٹنر شاندار کارکردگی کے بعد چھٹے سے دوسرے نمبر پر آ گئے۔ بھارتی اسپنر کلدیپ یادیو نے تین درجے ترقی کر کے تیسری پوزیشن حاصل کی۔
جنوبی افریقا کی کیشو مہراج چوتھے اور نامیبیا کے برنارڈ اسکالنز پانچویں نمبر پر آ گئے قومی فاسٹ بالر شاہین آفریدی نویں نمبر پر موجود ہیں ۔
آل راؤنڈرز کی رینکنگ میں افغانستان کے عظمت اللہ عمرزئی پہلی، محمد نبی دوسری اور زمبابوے کے سکندر رضا تیسری پوزیشن پر ہیں جبکہ نیوزی لینڈ کے مچل سینٹنر ایک وجہ بہتری کے بعد چوتھے نمبر پر پہنچ گئے۔