موسمیاتی تبدیلی: اربن فلڈنگ پر قابو پانے کے لیے نیا لائحہ عمل اور پالیسی بنانے کا فیصلہ
اربن فلڈنگ اور جنگلات کا کٹاؤ روکنے کا ٹاسک وزارت موسمیاتی تبدیلی کے سپرد
اسلام آباد: حکومت نے اربن فلڈنگ اور درختوں کی بیجا کٹائی پر قابو پانے کا فیصلہ کرلیا۔ وزیراعظم نے وزارت موسمیاتی تبدیلی کو اربن فلڈنگ اور جنگلات کے بے دریغ کٹاؤ پر فوری اقدامات کا ٹاسک سونپ دیا۔ صوبوں کوبھی کلائمٹ ریزیلینس ایکشن پلان کے اہداف تیار کرنے کی ہدایت کردی۔
وزارت موسمیاتی تبدیلی کلائمٹ ریزیلینس ایکشن پلان پر صوبوں کے ساتھ کوآرڈینیشن کرے گی اور اربن فلڈنگ اور جنگلات کے کٹاؤ کے معاملے پر مشاورت کرے گی۔
یہ خبر بھی پڑھیں: پنجاب: سیلاب میں ہونے والے نقصانات کی رپورٹ جاری، 97 شہری جاں بحق
صوبوں کے ساتھ مل کر اربن فلڈنگ کو روکنے اور شہری علاقوں میں ڈرینیج سسٹم بہتر بنانے پر فوکس کیا جائے گا اور جنگلات کے بیدریغ کٹاو کی پالیسی پر بھی صوبوں سے بات چیت ہوگی۔پالیسی کے ذریعے آئندہ ممکنہ سیلابی خطرات کو کم کرنے کی حکمت عملی بھی بنانی ہوگی۔
وزارت موسمیاتی تبدیلی سردیوں میں کاشت کی جانے والی فصلوں کے لیے لائحہ عمل دے گی اور وزارت موسمیاتی تبدیلی نقصانات کا تخمینہ بھی فراہم کرے گی۔
