بھارتی ریاست اتراکھنڈ میں مسافر بس کھائی میں گرنے سے 36 افراد ہلاک
نئی دہلی: بھارتی ریاست اترا کھنڈ میں مسافر بس کھائی میں گرنے سے کم از کم 36 افراد ہلاک ہو گئے ۔ رائٹرزکے مطابق یہ حادثہ ضلع کے پہاڑی علاقہ مارچولا میں پیر کی صبح وقت پیش آیا۔ ریاست اتراکھنڈ کے سینئر حکومتی اہلکار نے بتایا کہ حادثے میں اب تک 36 اموات کی تصدیق ہوئی ہے جبکہ تین زخمیوں کو ہیلی کاپٹر کے ذریعے ہسپتال منتقل کیا گیا ہے۔
انہوں نے بتایا کہ مسافر بس اتراکھنڈ کے شمالی علاقے گڑھوال سے رام نگر جا رہی تھی اس دوران حادثے کا شکار ہو گئی، بسں میں 42 مسافر سوار تھے۔
حادثے کی اطلاع ملتے ہی ریسکیو ٹیمیں موقع پر پہنچ گئیں اور زخمیوں کو نکالنے کی کوششوں میں مصروف ہیں۔ ضلع الموڑا کے ڈیزاسٹر مینجمنٹ پولیس آفیسروینیت پال نے ریسکیو آپریشن جاری ہے اور اموات میں اضافے کا خدشہ ہے۔
بشکریہ: اے پی پی
