نئی چینی ویکسین بھی پروٹین بیسڈ ہے ۔ ڈاکٹر جاوید اکرم

لاہور (نیوزپلس) یونیورسٹی آف ہیلتھ سائنسز لاہور کے وائس چانسلر ڈاکٹر جاوید اکرم کہتے ہیں کہ نئی چینی ویکسین بھی پروٹین بیسڈ ہے۔

ڈاکٹر جاوید اکرم نے اپنے ایک بیان میں کہا کہ یونیورسٹی آف ہیلتھ سائنسز ایک اور کورونا وائرس ویکسین کا ٹرائل کرے گی۔

وی سی ڈاکٹر جاوید اکرم کا کہنا تھا کہ چینی ویکسین زیڈ ایف2001 کےٹرائل کی منظوری مل چکی ہے، ویکسین کی منظوری نیشنل بائیو ایتھکس کمیٹی سے ملی ہے۔

انہوں نے کہا کہ تمام ویکسینز کو مقامی لوگوں کے لیے چیک کرنا چاہتے ہیں، نئی ویکسین کین سائنو ویکسین سے مختلف ہے۔

پروفیسر جاوید اکرم نے کہا کہ ٹرائل میں حصہ لینے والے ہر ہیلتھ ورکر اور رضا کاروں کا شکریہ ادا کرتے ہیں، اُمید ہے کین سائنو کی طرح زیڈ ایف 2001 کے بھی مضر اثرات نہیں ہوں گے۔