شہباز شریف نے من گھڑت بیانیہ پیش کیا۔ڈاکٹر فردوس عاشق اعوان

اسلام آ باد (نیوز پلس)ڈاکٹر فردوس عاشق اعوان نے کہا ہے کہ اپوزیشن لیڈر شہباز شریف نے من گھڑت بیانیہ پیش کیا، عمران خان کو نیازی ہونے پر فخر ہے۔شہباز شریف اپنا حسب نسب قوم کو بتادیں۔میاں شہباز شریف کی لندن کی پریس کانفرنس پر حکومتی ردعمل دیتے ہوئے انہوں نے کہا کہ مسلم لیگ (ن) نے مشترکہ تحقیقاتی ٹیم بننے کے عدالتی فیصلے پر بھی مٹھائیاں بانٹی تھیں ان کا کہنا تھا کہ شہباز شریف لندن میں پریس کانفرنس کے بجائے مقدمات کا سامنا کریں، مسلم لیگ (ن) کے دور میں ملک سے لوٹی ہوئی دولت ٹی ٹیز کے ذریعے بیرون ملک بھیجی گئی تھی۔معاون خصوصی نے کہاکہ عمران خان کو نیازی ہونے پر فخر ہے، شہباز شریف اپنا حسب نسب قوم کو بتادیں،’میاں‘ لقب ہے، ذات ہے یا شوقیہ خطاب؟ڈاکٹر فردوس عاشق اعوان نے مزید کہا کہ اپوزیشن لیڈر خود بتادیں ورنہ تعارف کرانے کی ذمہ داری بھی ہمیں انجام دینی پڑے گی۔