9 مئی کیس: محمود الرشید ،یاسمین راشد، اعجاز چوہدری سمیت دیگر کو 10،10 سال قید ، شاہ محمود قریشی بری
انسداد دہشتگردی کی عدالت نے مجموعی طور پر 13 ملزمان کو سزائیں سنائیں
لاہور: انسداد دہشت گردی عدالت نے سانحہ نو مئی کلب چوک جی او آر کے گیٹ پر غملے کے مقدمے میں پی ٹی آئی کی ڈاکٹر یاسمین راشد، اعھاز چوہدری ، سرفراز چیمہ اور محمود الرشید کو 10،10 سال کی قید کی سزا سنا دی گئی، شاہ محمود قریشی بری
انسداد دہشتگردی عدالت کے جج منظر علی گل نے کوٹ لکھپت جیل میں فیصلہ سنایا۔ عدالت نے 18 دسمبر کو فیصلہ محفوظ کیا تھا۔
عدالت نے پی ٹی آئی کے وائس چیئرمین سابق وزیر خارجہ شاہ محمود قریشی کو مقدمے سے بری کر دیا۔
عدالت نے مجموعی طور پر 13 ملزمان کو سزائیں سنائیں جبکہ 9 ملزمان کو عدالت نے بری کر دیا۔ شاہ محمود قریشی بری ہونے والوں میں شامل ہیں۔
عدالت نے 9 مئی کو کلب چوک جی او آر کے گیٹ پر حملے کے مقدمے کا فیصلہ سناتے ہوئے شاہ محمود قریشی کو بری کرنے کا حکم دیا۔ اے ٹی سی کے جج منظر علی گل نے کوٹ لکھپت جیل میں کیس کا فیصلہ سنایا۔
کیس میں دوران ٹرائل ڈاکٹر یاسمین راشد سمیت 21 ملزمان کے حتمی بیانات قلمبند کیے گئے جبکہ پراسیکیوشن کی جانب سے 56 گواہوں کو عدالت میں پیش کیا گیا۔
دوران ٹرائل چار ملزمان کو اشتہاری قرار دیا گیا تھا، عدالت نے شاہ محمود قریشی سمیت مجموعی طور پر 13 ملزمان کو بری کر دیا جبکہ ڈاکٹر یاسمین راشد سمیت 8 ملزمان کو 10، 10 سال قید کی سزائیں سنائیں۔
عدالت نے دوران اشتہاری قرار دیے گئے 4 ملزمان کو گرفتار کر کے پیش کرنے کا حکم دیا۔ اشتہاری قرار پانے والوں میں فاروق انجم، حبیب احمد، ارسلان اور اکبر خان شامل ہیں۔
مقدمے میں پراسیکیوشن کے کل 56 گواہوں نے بیانات قلمبند کروائے۔
ڈاکٹر یاسمین راشد، شاہ محمود قریشی، عمر سرفراز، اعجاز چوہدری اور محمود الرشید سمیت 25 ملزمان مقدمے میں نامزد ہیں۔ مقدمہ کے 25 ملزموں کا چالان عدالت کے روبرو پیش کیا گیا۔
تھانہ ریس کورس نے کلب چوک جی او آر گیٹ پر حملہ کا مقدمہ درج کر رکھا ہے۔
ایف آئی آر کے متن کے مطابق ملزمان نے کلب چوک جی او آر گیٹ کے سیکیورٹی کیمرے توڑے، ملزمان نے پولیس کی وائر لیس اور جی او آر گیٹ کے شیشے بھی توڑے۔ ملزمان نے سرکاری املاک کو نقصان پہنچانے اور پولیس اہکاروں پر حملہ کیا۔
پی ٹی آئی رہنماؤں پر کارکنان کو نو مئی بغاوت اور فسادات پر اکسانے کا الزام ہے۔
