چیمپئینز ٹرافی: دوسرے سیمی فائنل میں نیوزی لینڈ نےجنوبی افریقہ کو ہرا کر فائنل میں پہنچ گیا
چیمپئنز ٹرافی کے دوسرے سیمی فائنل میں نیوزی لینڈ نے جنوبی افریقہ کو50 رنز سے شکست دے کر فائنل کیلئے کوالیفائی کرلیا
نیوزی لینڈ اور بھارت کی ٹیموں کے درمیان فائنل 9 مارچ کو دبئی میں کھیلا جائے گا،راچن رویندرامیچ کے بہترین کھلاڑی قرار پائے
نیوزی لینڈ نے 6 وکٹوں کے نقصان پر چیمپئنز ٹرافی مقابلوں کا سب سے بڑا 362 رنزکا مجموعہ جوڑا،جنوبی افریقہ 9 وکٹوں کے نقصان پر 312 رنز بناسکی
لاہور: جنوبی افریقہ کی ٹیم چوکرز کا ٹیگ اتارنے میں پھرناکام ہو گئی، چیمپئنز ٹرافی کے دوسرے سیمی فائنل میچ میں نیوزی لینڈ نے جنوبی افریقہ کو50 رنز سے شکست دے کر فائنل کے لئے کوالیفائی کرلیا،
نیوزی لینڈ اور بھارت کی ٹیموں کے درمیان فائنل 9 مارچ کو دبئی میں کھیلا جائے گا،راچن رویندرامیچ کے بہترین کھلاڑی قرار پائے انہوں نے 101 گیندوں پر 13 چھکوں اور ایک چھکے کی مدد سے 108 رنز بنائے اور ایک کھلاڑی کو آؤٹ بھی کیا۔آئی سی سی چیمپئنز ٹرافی کا دوسرا سیمی فائنل نیوزی لینڈ اور جنوبی افریقہ کی ٹیموں کے درمیان قذافی سٹیڈیم لاہور میں کھیلا گیا۔
نیوزی لینڈ کے کپتان میچل سینٹرنے ٹاس جیت کر پہلے بیٹنگ کرنے کا فیصلہ کیا جو درست ثابت ہوا۔ نیوزی لینڈ نے مقررہ 50 اووروں میں 6 وکٹوں کے نقصان پر 362 رنزکا مجموعہ جوڑا، واضح رہے کہ یہ چیمپئنز ٹرافی کے مقابلوں کا سب سے بڑا ٹوٹل ہے۔ نیوزی لینڈ کی پہلی 48 کے سکور پر گر گئی جب ول ینگ 21 رنز بنا کر لونگی انگیدی کی گیند پر کیچ آؤٹ ہوکر میدان بدر ہوئے، دوسری وکٹ کی شراکت میں راچن رویندرا اورکین ولیمسن نے 164 رنز کا اضافہ کیا،
دونوں کھلاڑیوں نے اپنی سنچریاں مکمل کیں، راچن رویندرا 101 گیندوں پر 13 چھکوں اور ایک چھکے کی مدد سے 108 اور کین ولیمسن 94 گیندوں پر 10 چوکوں اور 2 چھکوں کی مدد سے 102 رنز بنا کر آؤٹ ہوئے۔ دیگر کھلاڑیوں میں ڈیرل میچل49، مائیکل گورڈن بریسویل 16، ٹام لیتھم 4 رنز بناکر آؤٹ ہوئے۔ گلین فلپس 49 اور 2 رنز بنا کر ناٹ آٹ رہے۔
جنوبی افریقہ کی جانب سے لونگی انگیدی نے 3، کاگیسو ربادانے 2 اور ویان ملڈرنے ایک کھلاڑی کو آؤٹ کیا۔ 363 رنز کے ہدف کے حصول کے لیے بعد میں بیٹنگ کرتے ہوئے جنوبی افریقہ نے مقررہ 50 اووروں میں 9 وکٹوں کے نقصان پر 312 رنز بنائے۔جنوبی افریقہ کی پہلی وکٹ 20 رنز پر گری جب رائن ریکلٹن17 رنز بنا کر کیچ آؤٹ ہوئے۔ ٹیمبا باووما اورراسی وان ڈر ڈوسن نے دوسری وکٹ کی شراکت میں 105 رنز کا اضافہ کیا۔ 125 کے مجموعی سکور پرٹیمبا باووما 56 رنز بنا کرمیچل سینٹر کی گیند پر کیچ آؤٹ ہو پویلین واپس لوٹ گئے۔
راسی وان ڈر ڈوسن 69، ایڈن مارکرم 31،کاگیسو ربادا 16، ویان ملڈر8، ہینرک کلاسن 3، مارکو یانسن 3،کیشاوت مہاراج ایک سکور بنا کر آؤٹ ہوئے۔ ڈیوڈ ملر نے 67 گیندوں پر 100 رنز بنائے اور ناٹ آؤٹ رہے،لونگی انگیدی ایک سکور بنا کر ناٹ آؤٹ رہے۔نیوزی لینڈ کی جانب سے میچل سینٹر نے3،میٹ ہنری اور گلین فلپس نے 2،2، مائیکل بریس ویل اور راچن رویندرا نے ایک،ایک کھلاڑی کو آؤٹ کیا۔
