پاکستان کا یمن میں تشدد بڑھنے پرگہری تشویش کا اظہار
یمن کے اتحاد اور علاقائی سالمیت کی مکمل حمایت کا اعادہ کیا ہے، ترجمان دفتر خارجہ
اسلام آباد: پاکستان نے یمن میں دوبارہ ےشدد بڑھنے پر گہری ےشویش کا اظہار کرتے ہوئے یمن کے اتحاد اور علاقائی سالمیت کی مکمل حمایت کا اعادہ کیا ہے۔
ترجمان دفتر خارجہ نے کہا ہے کہ پاکستان نے یمن میں تشدد کی بحالی پر گہری تشویش کا اظہار کیا ہے۔ پاکستان یمن کے اتحاد اور علاقائی سالمیت کے ساتھ ساتھ ملک میں پائیدار امن اور استحکام کے قیام کے لیے تمام کوششوں کی حمایت کا اعادہ کرتا ہے۔
ترجمان نے کہا کہ اس سلسلے میں، پاکستان کسی بھی یمنی فریق کے یکطرفہ اقدامات کی سختی سے مخالفت کرتا ہے جو صورت حال کو مزید خراب کر سکتا ہے، امن کی کوششوں کو نقصان پہنچا سکتا ہے، اور یمن کے ساتھ ساتھ خطے کے امن و استحکام کو بھی خطرہ بنا سکتا ہے۔
ترجمان کے مطابق پاکستان یمن میں صورتحال کو کم کرنے اور امن و استحکام برقرار رکھنے کے لیے علاقائی کوششوں کا خیر مقدم کرتا ہے۔ پاکستان سعودی عرب کے ساتھ مکمل یکجہتی کا اظہار کرتا ہے اور مملکت کی سلامتی کے لیے اپنے عزم کا اعادہ کرتا ہے۔ پاکستان مذاکرات اور سفارت کاری کے ذریعے یمن کے مسئلے کے حل کے لیے اپنی مضبوط حمایت کو برقرار رکھتا ہے اور امید کرتا ہے کہ یمن کے عوام اور علاقائی طاقتیں علاقائی استحکام کے تحفظ کے لیے اس مسئلے کے جامع اور پائیدار حل کے لیے مل کر کام کریں گی۔
