وزیراعظم کی معرکہ حق میں بھارتی طیاروں کو تباہ کرنیوالے پاک فضائیہ کے شاہینوں سے ملاقات
آرمی چیف، ایئرچیف مارشل،نائب وزیر اعظم، وزیر دفاع،وفاقی وزراء احسن اقبال، عطا اللہ تارڑ ہمراہ تھے
کامرہ: وزیر اعظم شہباز شریف نے پاک فضائیہ کے شاہینوں سے ملاقات کیلئے کامرہ ایئر بیس کا دورہ کیا۔اس موقع پر انہوں نے معرکہ حق میں بھارتی طیاروں کو تباہ کرکے دشمن کی برتری کی خوش فہمی کو خاک میں ملانے والے پاک فضائیہ کے شاہینوں سے ملاقات کی۔
آرمی چیف جنرل سید عاصم منیر، ایئرچیف مارشل ظہیر احمد بابر سدھو بھی اس موقع پر وزیر اعظم کے ہمراہ تھے۔ان کے ہمراہ نائب وزیر اعظم اسحاق ڈار، وزیرِ دفاع خواجہ آصف بھی تھے۔وزیر اعظم کے ہمراہ وفاقی وزرا احسن اقبال، عطا اللہ تارڑ بھی تھے۔
