Newspulse - نیوز پلس
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

وزیراعظم عمران خان کی ٹیکس ادائیگی سے متعلق وضاحتی بیان سامنے آ گیا

وزیراعظم بننے سے پہلے عمران خان کی مستقل اور متعین آمدن نہیں تھی

اسلام آباد ۔ (نیوز پلس ) وزیراعظم کے معاون خصوصی برائے سیاسی روابط شہباز گل نے ٹیکس ادائیگی پر وضاحتی بیان میں کہا کہ وزیراعظم ریگولر ٹیکس دہندہ اور فائلر ہیں اور وزیراعظم بننے سے پہلے عمران خان کی مستقل اور متعین آمدن نہیں تھی۔

شہباز گل نے کہا کہ عمران خان کی آمدن مختلف ہونے کا انحصار ان کی ہونے والی آمدن پر ہوتا ہے۔وزیراعظم کے معاون خصوصی نے کہا کہ عمران خان کی اگر 3سال کی ادا شدہ ٹیکس رقم اکھٹی کرلی جائے تو یہ 99 لاکھ 22ہزار 53 روپے بنتی ہے۔

انہوں نے کہا کہ وزیراعظم کی ملکیت اور اثاثے دولت ٹیکس اسٹیٹمنٹ میں فائل کیے جاتے ہیں۔وزیراعظم کے معاون خصوصی نے یہ بھی کہا کہ عمران خان کے اثاثوں کے گوشوارے پبلک ڈاکومنٹس ہیں، جو قومی اسمبلی کی ویب سائٹ پر دستیاب ہیں۔

شہباز گل نے مزید کہا کہ مسلم لیگ (ن) کی درخواست پر سپریم کورٹ عمران خان کے اثاثوں کی جانچ پڑتال کرچکی اور انہیں صادق اور امین قرار دے چکی ہے۔

 

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More