مسلح افواج کی جانب سے شہدائے پولیس کو خراج عقیدت پیش
پاک فوج کے شعبئہ تعلقات عامہ (آئی ایس پی آر) کے مطابق مسلح افواج فرائض کی انجام دہی کے دروان جان کا نذرانہ دینے والے پولیس شہداء کو خراج عقیدت پیش کرتی ہے پولیس شہداء کے غیر متزلزل عزم، انتھک محنت حوصلے اور بے لوث قربانیوں کو ہمیشہ یاد رکھا جائے گا۔
آئی ایس پی آر کے مطابق مسلح افواج کے افسران اور جوان اپنے خون پسینے سے قوم کا تحفظ کرنے والے ہیروز کو سلام پیش کرتے ہیں، شہدا کی بے لوث خدمات ہمارے لئے مشعل راہ ہیں، ہم شہدا کے اہلخانہ کے ساتھ ہیں اور ہرمشکل میں ان کی حمایت کے عزم کا اعادہ کرتے ہیں۔
شعئبہ تعلقات عامہ آئی ایس پی آر کے مطابق پولیس شہداء کے ساتھ اظہار یکجہتی کے لئے پاک فوج کے افسروں اور جوانوں نے ملک کے مختلف مقامات پر تقریبات میں شرکت کی۔
