Newspulse - نیوز پلس
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

مایہ ناز بیٹسمین مصباح الحق قومی کرکٹ ٹیم کا ہیڈ کوچ اور چیف سلیکٹر جبکہ وقار یونس کو بولنگ کوچ مقرر

دونوں کوچز کے ناموں کی منظوری چیئرمین پی سی بی احسان مانی نے دی

لاہور(نیوز پلس) پاکستان کرکٹ بورڈ نے مایہ ناز بیٹسمین مصباح الحق کو قومی کرکٹ ٹیم کا ہیڈ کوچ اور چیف سلیکٹر، وقار یونس کو بولنگ کوچ مقرر کر دیا جس کا باضابطہ اعلان کر دیا گیا ہے دونوں عہدوں پر 3 سال کیلئے تقرری کی گئی ہے،مصباح الحق 3 سال کے لیے قومی کرکٹ ٹیم کے ہیڈ کوچ اور چیف سلیکٹر، وقار یونس کو قومی کرکٹ ٹیم کا بولنگ کوچ مقرر کر دیا گیا، وقار یونس کو بھی 3 سالہ کنٹریکٹ دیا گیا ہے۔ کوچز کی تلاش کے لیے قائم کردہ 5 رکنی پینل نے متفقہ طور پر مصباح الحق کا نام پیش کیا، پینل میں انتخاب عالم، بازید خان، اسد علی خان، وسیم خان اور ذاکر خان شامل تھے۔ دونوں کوچز کے ناموں کی منظوری چیئرمین پی سی بی احسان مانی نے دی۔مصباح الحق اور وقار یونس کی قومی کرکٹ ٹیم کے ہمراہ پہلی اسائنمنٹ سری لنکا کے خلاف سیریز ہو گی، پاکستان اور سری لنکا کے درمیان 3 ایک روزہ اور 3 ٹی ٹونٹی میچز کی سیریز کا آغاز 27 ستمبر سے ہو گا۔ مصباح الحق کا اس حوالے سے کہنا تھا کہ قومی کرکٹ کی کوچنگ کرنا میرے لیے اعزاز کی بات ہے، نئی ذمہ داری کو نبھانے کے لیے مکمل طور پر تیار ہوں۔

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More