مانیٹری پالیسی جاری، شرح سود میں کمی کا اعلان
شرح سود 50 بیسز پوائنٹس کمی کے بعد شرح سود 10.50فیصد ہوگئی
اسلام آباد: اسٹیٹ بینک نے مانیٹری پالیسی کا اعلان کردیا، شرح سود 50 بیسز پوائنٹس کمی کے بعد شرح سود 10.50فیصد ہوگئی ہے ۔ ایکس پر اسٹیٹ بینک آف پاکستان نے رواں سال کی آخری م مانیٹری پالیسی کا اعلان کرتے ہوئے شرح سود میں 50 بیسز پوائنٹس کی کمی کر دی۔
مرکزی بینک کی جانب سے جاری مانیٹری پالیسی کے اعلان کے بعد سود کی نئی شرح 10.50 فیصد مقرر ہو گئی ہے۔ اس سے پہلے شرح سود 11فیصد تھی ۔ یاد رہے کہ اسٹیٹ بینک آف پاکستان کی جانب سے گزشتہ 4 مرتبہ سے شرح سود کو 11 فیصد پر برقرار رکھا گیا تھا، مہنگائی کم اور شرح سود زیادہ ہونے کے باعث تاجر برادری مسلسل شرح سود میں کمی کا مطالبہ کررہی تھی
