صبا قمر کی پولیس وردی پر تنازعہ، اداکارہ نے دیا مزاحیہ ردعمل
پاکستانی شوبز اسٹار صبا قمر ایک بار پھر خبروں کی زینت بن گئی ہیں، لیکن اس بار وجہ ان کا کوئی نیا ڈراما یا فلم نہیں بلکہ ایک دلچسپ قانونی تنازعہ ہے۔ لاہور کی سیشن کورٹ میں ان کے خلاف درخواست دائر کی گئی، جس میں الزام لگایا گیا کہ انہوں نے بغیر اجازت پولیس کی وردی پہنی۔
یہ معاملہ اس وقت سامنے آیا جب سوشل میڈیا پر ایک ویڈیو وائرل ہوئی، جس میں صبا قمر کو ڈریسنگ روم میں ایس پی کی وردی پہنے دیکھا جا سکتا ہے۔ ویڈیو کے بعد مختلف حلقوں نے سوالات اٹھائے اور بحث شروع ہو گئی۔
اداکارہ صبا کے دفاع میں دیوا میگزین کے ایڈیٹر راحیل راؤ نے انسٹاگرام پر طنزیہ انداز میں کہا کہ اداکار کسی کردار کے مطابق لباس پہنیں گے، نہ کہ کسی کی من گھڑت سوچ کے مطابق۔
صبا قمر نے بھی خاموشی اختیار نہیں کی اور انسٹاگرام اسٹوری پر لکھا:
"اوہ خدایا! لگتا ہے آج کل میں بہت زیادہ مشہور ہو گئی ہوں”
ساتھ ہی مسکراتے ایموجیز بھی شامل کیے، جسے سوشل میڈیا صارفین نے بہت دلچسپ اور مزاحیہ قرار دیا۔
یہ واقعہ نہ صرف صبا قمر کی شخصیت کی مزاحیہ پہلو کو اجاگر کرتا ہے بلکہ یہ بھی دکھاتا ہے کہ سوشل میڈیا پر چھوٹی سی بات بھی کس طرح بڑا موضوع بن سکتی ہے۔
