شبمن گل بھارتی ون ڈے کرکٹ کے کپتان مقرر، روہت شرما کی چھٹی
بھارت اور آسٹریلیا کے درمیان 3 میچز کی سیریز 19 اکتوبر سے شروع ہو گی، بعد میں آسٹریلیا میں ہی 5 ٹی ٹوئنٹی میچز بھی کھیلے جائیں گے
نئی دہلی: روہت شرما کو بھارتی ون ڈے کرکٹ ٹیم کی قیادت سے ہٹادیا گیا،شبمن گل اب ون ڈے ٹیم کی بھی قیادت کریں گے، وہ ٹیسٹ ٹیم کے بھی کپتان ہیں۔میڈیا رپورٹ کے مطابق بھارتی کرکٹ بورڈ نے آسٹریلیا کے خلاف ون ڈے سیریز کے لیے اسکواڈ کا اعلان بھی کردیا ہے،سینئر بیٹر روہت شرما اور ویرات کوہلی بھارتی اسکواڈ کا حصہ ہیں،
بھارت اور آسٹریلیا کے درمیان 3 میچز کی سیریز 19 اکتوبر سے شروع ہو رہی ہے،دونوں ٹیموں کے درمیان ون ڈے سیریز کے بعد آسٹریلیا میں ہی 5 ٹی ٹوئنٹی میچز بھی کھیلے جائیں گے۔
