سیکیورٹی فورسز کی خبیر پختونخوا میں آپریشز،30 خوارجی دہشتگرد ہلاک
خفیہ اطلاعات کی بنیاد پر فورسز نے پہلی کاروائی میں 12 دوسرے جبکہ دوسرے آپریشن میں 11 دہشتگرد ہلاک کیا
سیکیورٹی فورسز کی کرم میں 2 کامیاب آپریشنز میں بھارتی حمایت یافتہ فتنہ الخوارج کے 23 دہشت گرد ہلاک ہو گئے۔
راولپنڈی : پاک فوج کے شعبہ تعلقات عامہ (آئی ایس پی آر) کے مطابق 19 نومبر 2025 کو خیبر پختونخوا کے ضلع کرم میں 2 علیحدہ آپریشنز کے دوران بھارتی پراکسی فتنۃ الخوارج سے تعلق رکھنے والے 23 خوارج مارے گئے۔
ترجمان پاک فوج کے مطابق خوارج کی موجودگی کی اطلاع ملنے پر سکیورٹی فورسز نے ٹارگٹڈ آپریشن کیا۔ کارروائی کے دوران سکیورٹی فورسز نے دہشت گردوں کے ٹھکانوں کو نشانہ بنایا۔ اس دوران شدید فائرنگ کے تبادلے میں 12 خوارج ہلاک ہو گئے۔
آئی ایس پی آر کے بیان کے مطابق اسی علاقے میں ایک اور خوارج گروہ کی موجودگی کی اطلاعات پر دوسرا آپریشن کیا گیا، جس میں سکیورٹی فورسز نے مزید 11 دہشت گردوں کو ہلاک کردیا۔
ایس پی آر کے مطابق کرم میں ایک کارروائی میں شدید فائرنگ کے تبادلے میں 12 خوارج ہلاک ہوئے جب کہ خفیہ اطلاع پر دوسری کارروائی میں 11 خوارج کو ہلاک کیا گیا۔
ایس پی آر کے مطابق مہمند میں کارروائیوں میں فتنہ خوارج کے 4 دہشت گرد ہلاک ہوئے، لکی مروت فائرنگ کے تبادلے میں 2 جب کہ ٹانک میں میں ایک خارجی دہشت گرد کو ہلاک کیا گیا ۔
سیکیورٹی فورسز اور قانون نافذ کرنے والے ادارے عزم استحکام کے وژن کے تحت علاقے میں کسی بھی بھارتی حمایت یافتہ خوارج کے خاتمے کے لیے آپریشن جاری رکھے ہوئے ہیں تاکہ ملک میں غیر ملکی حمایت یافتہ دہشت گردی کے خطرات کو جڑ سے اکھاڑ دیا جائے۔
یاد رہے کہ گزشتہ روز بھی سیکیورٹی فورسز کی 3 مختلف کارروائیوں میں فتنہ الخوارج کے بھارتی اسپانسرڈ 4 دہشت گرد ہلاک کئے گئے۔ باجوڑ میں آپریشن کے دوران فائرنگ کے تبادلے میں ایک خارجی مارا گیا ۔ اسپن وام، ذاکر خیل اور ڈیرہ اسماعیل خان میں بھی تین خوارج انجام کو پہنچے ۔ ہلاک دہشت گردوں سے اسلحہ اور بارود بھی برآمد ہوا۔
