سیکیورٹی فورسز کا ڈیرہ اسماعیل خان میں آپریشن، 7دہشگرد ہلاک، سپاہی شہید
ہلاک دہشتگرد متعدد دہشت گردانہ سرگرمیوں میں ملوث تھے۔آئی ایس پی آر
ڈیرہ اسماعیل خان میں سیکیورٹی فورسز نے آپریشن میں 7دہشگرد ہلاک کر دئیے جبکہ ایک سپاہی نے جام شہات نوش کیا۔
راولپنڈی: (نمائندہ خصوصی) سکیورٹی فورسز کی جانب سے ڈیرہ اسماعیل خان کے علاقے کلاچی میں خفیہ اطلاعات پر کیے گئے آپریشن میں 7 دہشت گرد مارے گئے۔آئی ایس پی آر کی جانب سے جاری بیان کے مطابق کلاچی میں دہشت گردوں کی موجودگی کی اطلاع پر آپریشن کیا گیا۔
آپریشن کے دوران 7 دہشت گرد مارے گئے جبکہ فائرنگ کے تبادلے میں وطن کے بہادر سپوت نائیک یاسر خان نے جامِ شہادت نوش کیا۔ مارے گئے دہشتگردوں سے اسلحہ اور گولہ بارود بھی برآمد کیا گیا، ہلاک دہشتگرد متعدد دہشت گردانہ سرگرمیوں میں ملوث تھے۔
آئی ایس پی آر کے مطابق علاقے میں کسی بھی دوسرے دہشت گردوں کے خاتمے کے لیے کلیئرنس آپریشن جاری ہے۔ ملک سے غیر ملکی سرپرستی میں دہشت گردی کے ناسور کا مکمل خاتمہ کیا جائے گا، سکیورٹی فورسز اور قانون نافذ کرنے والے اداروں کی انسدادِ دہشت گردی مہم پوری قوت سے جاری رہے گی۔
