سیکیورٹی فورسز کی قلات میں کاروائی ، 6 دہشت گرد ہلاک
راولپنڈی: سیکورٹی فورسز نے بلوچستان کے ضلع قلات میں دہشت گردوں کی موجودگی کی اطلاع پر کاروائی کی فائرنگ کے تبادلے میں 6 دہشت گرد ہلاک ہو گئے ۔
پاک فوج کے شعبہ تعلقات عامہ (آئی ایس پی آر) سے جاری بیان کے مطابق سیکیورٹی فورسز نے 29 مارچ 2025 کو بلوچستان کے ضلع قلات میں دہشت گردوں کی موجودگی کی خفیہ اطلاع کی بنیاد پر کارروائی کی۔
بیان میں کہا گیا کہ کارروائی کے دوران فوجی اہلکاروں نے دہشت گردوں کے ٹھکانوں پر مؤثر کارروائی کی اور شدید فائرنگ کے نتیجے میں 6 دہشت گرد ہلاک ہوگئے۔
آئی ایس پی آر کے مطابق علاقے میں دہشت گردی کی موجودگی کے امکانات ختم کرنے کے لئے کاروائی کی جا رہی ہے۔
آئی ایس پی آر نے کہا کہ ہلاک دہشت گرد علاقے میں قانون نافذ کرنے والے اداروں اور بے گناہ شہریوں کے قتل اور دہشت گردی کی کارروائیوں میں ملوث تھے۔
آئی ایس پی آر کے مطابق پاکستان کی مسلح افواج اپنی قوم کے ساتھ کھڑی ہے اور بلوچستان میں امن و استحکام اور ترقی کو سبوتاژ کرنے کی کوشش ناکام بنانے کے لئے پر عزم ہیں۔
